阿Ball 由細到大都係肥妹仔一名, 儘管個樣厄得下人(自認為一個靚既肥妹), 哈, 其實我自己都唔叫太介意自己肥, 因為唔係太過份就ok la, 但係去到廿歲左右, 即係早幾年啦...我突然好想瘦一次, 咁就決定的起心肝去減肥啦!! 睇下我14,5歲既時候, 跟住呢張大約係17,8歲 嘩...我有時而家睇返d相, 我都會問我媽咪, 點解你要由得我一直咁肥落去, 佢竟然答我, 你自己由細到大都話自己係靚既肥妹, 我以為你唔想瘦咋.. 當然, 我唔抗拒自己肥, 因為我真係幾識自我安慰讚自己, 不過...可以唔洗咁肥既。 至於我點樣減肥呢....... 我係去睇減肥醫生食藥減肥, 相信好多女仔都會試過, 同停藥後反彈重肥過之前, 因為食左藥, 係可以令到你全日無胃口, 1淡飯都唔落肚都唔會覺得餓, 咁當然瘦得好快啦, 但我既做法就係...keep住3餐照食, 每餐食1定既份糧, 開頭都會特登清淡d既, 不過後來都無理, 乜都食, 總之食足3餐, 每餐都食小小, 跟住再每日落街跑步, 咁樣既生活大約維持左幾個月, 停左藥後, 3餐依然都係習慣食小小, 依然keep住落街跑步, 再過幾個月.. 我就可以話減肥成功, 雖然我而家比起當時減完肥係有肥返, 不過...已經唔係以前果種暴龍既身形!! 我既方法可能有dd 唔健康, 不過最重要係唔好食藥食到走火入魔, 唔係搞壞身子就得不償失.... 08年減完肥, 20歲~HAA 呢個係09年 10年 11年 12年 13年 14年 我盡量搵左D 全身既相...而家先發現原來係咁難搵, 因為太多都係自拍.. 一路睇都發現自己青春真係不再啦.....嗚嗚>< BTW, 我都係想講...而家都肥, 不過無細個咁肥~ 我都希望我老左都係一個靚既肥婆~HAAA
