既然都訂了機票，都是一種緣份來的，去吧! 東京之旅8 - 個人修煉3!!! 出發時間是 2019-11-05 夜機，所以今日一收工便馬上回家洗澡和取行李去機場了，但未出門，已先肚痛 (及全程病住玩 >.< ) 今次是小弟第三次的個人旅程，雖然一直都想再同老婆一起出發，但始終放不下兩個囝囝，所以分別去輕鬆 去到機場後，首先要找找今次選擇的 HK Express Counter，是次還在 T2，但有傳快將會轉去 T1 - L區 稍後便食個晚餐，漢堡王幫到我 早去到候機室，等了成個鐘才上機，還好的有足夠時間用機場設施為手機充電食到飽 很久沒有來羽田機場，美多了，入境又快了，不用半小時，已買到票乘坐東京單軌電車(時間表) 到浜松町再轉山手線去秋葉原 沿途零晨美景，那裡相信是台埸彩虹橋，可惜這次旅程只有一部舊手機充當攝影機...不過手機正正配合到我影 snap 第一次天未亮便來到了秋葉原，痴鬼線.... 此刻還有點寒....馬上去酒店先放下行李 酒店是今年十月初開張的 Jr East Hotel Mets Akihabara，所以有 Promotion Price，坐立於秋葉原站旁，超方便，詳細稍後補充 晨咁早都唔知去邊，咁不如去去萬世橋醒醒神先 昨晚在機上睡得不夠好，所以隨即去老麥飲杯咖啡先 還有點時間，就試下由秋葉原步行去京成上野買定回程 Skyliner 車票先 (約 15 mins) 跟住坐 JR 到海浜幕張站(南口出)，為去三井 Outlet 買 Levi's，可惜無合適的尺寸，唯有買野比囝囝啦... 好了，回到秋葉原連 lunch 都唔食去逛街是常識吧! 今次雖然在東西自由路的 Tamashii Nations Show Room 已關閉，但在此區域就多了 不少新的 Tamashii 據點了 當然唔少得去 Jungle & Mandarake，不過 Jungle 1.5 又無左... 幫完各位大佬入貨後，先回酒店 Check in。而我給 Hotel 的 Comment 有以下: 讚 - 新淨、空間夠大、冷暖氣可調較、浴室有企缸及浴缸、充足充電口、近JR站、樓下有便利店、自助 check in / out 及 響應環保(可不換床單節水電)、櫃桶內有緊急電桶 彈 - 廁所及浴室分開(以單人入住心理)、垃圾桶比較細小、升降機不論上落永遠會自動去 Reception 2/F 那層(不便)、 不便宜(因今次是 Promotion Price) 今晚諗住早少少食，不如去去 Yodobashi 逛，順路食飯 又真係比我搵到間食鰻魚飯的鰻匠，味道不錯，如鰻魚可再多點脂肪就好了，所以本人還是覺得台北的浜松最啱食 今晚在 Yodobashi 食市層聽到一種聲音呼喚我...(稍後的故事) 食飽了時間不太晏，不如就由秋葉原散步去神田，逛逛新的商場 - 誠品生活日本橋 (步行時間約 20 mins. 來到後突然覺得去左台灣的平行時空，似是個更典雅的誠品商場，雖然店子不算多，但不失為一個好地方 回程當然由神田站坐 JR 回秋葉原啦! < 待續 >
