登別 - RERA OUTLET MALL - 台北 早上從房間窗外遠眺，看見太陽伯伯開工，顯然壞天氣已經過去 。還未浸頂樓的大浴場，清晨到大浴場時，已有部份旅客在浸溫泉，原來昨晚有好幾團旅客入住旅館，可能人數眾多，安排了散客到櫻館進食。 浸完溫泉當然係開餐啦。 趁有少少時間，再到外面行下。 10:00 便要出發到新千歲機場了，拜拜登別。 約一個鐘頭的車程便到達了新千歲機場 首先搵 locker 放行李，承惠每個 600円，咁就無咗 120元 機場有免費接駁巴士到 Rera Outlet，車程約 10分鐘，機場乘車處 28號、1號、67號，每小時兩班，去程 15/45分，回程 05/35分。 話咁快就到 Rera Outlet 咁多日都無食過日本漢堡包，揀咗 Mos Burgar 的本國產牛肉 Burgar ，又幾好食喎。在三井 outlet 買唔到嘢，對這個 outlet 沒有什麼期望，誰知一間 gap 已經花去不少時間，跟住當然係唔夠時間行啦，非常匆忙的買買買，非常匆忙的趕搭 2:05pm 班車返回新千歲機場。 北海道跟台北的天氣相差咁遠，在機場先放好厚厚的外套。按網友提示，在 100円店買定旅行裝收縮袋，慳返好多位。 夠晒鐘啦，要入海關啦。 入禁區後也不愁寂寞，可以在免稅品店繼續購物，或到二樓的休息間等上機，非常寧靜舒適。 點擊圖片放大 +2 Hello Kitty 飛機餐仍然咁好味 準時到達桃園機場，可能是夜機關係，人數唔太多，好快過關。約了老同學在松山機場碰面，買了車票，約45分鐘的車程已到達松山機場。 花老爺很喜歡台灣的清粥小菜，這間小李子是同學的選擇，每次黎到都叫一大堆小菜。 點擊圖片放大 仲現炒咗兩碟菜，四大一小吃了十三碟小菜，加上相當好味的番薯粥，這個宵夜不簡單。 原先想訂同學家隔壁的福容酒店，殊不知竟然客滿，同學幫忙向鄰居借了房子給我們住了兩天。 還要麻煩同學為我們預先打掃房子，安排被鋪。 仲有迎賓水果，這個民宿不簡單
