第二日，HEA 到十一點先起身，施施然到交通大廈的一品粥食早午餐，原先想食粥邊爐，班大帝見到點心又話想飲茶，最後變成了一頓點心 + 小菜的早午餐。 眼見要人頭湧湧，又要等位，心想這間酒樓的水準應該唔錯，果然食物水準較預期中理想。 第一碟葱油豬手真係頂呱呱，豬手爽口、醬汁惹味，馬上追加一碟。點心不過不失，到是特別推介的义燒包就唔多掂。最後再點 "是日例湯" 和 "乳鴨焗飯"，竟是原飯煲上的 "原盅湯" 和 "煲仔飯"，早知就叫少啲點心，唔使浪費食物啦。 食完飯行下步行街，又打道回酒店玩電腦，傍晚到脆肉鯇之鄉 - 東昇鎮，見識下用千幾萬打造的 "脆肉鯇廣場"。 從富華酒店搭 28 路或 210 路巴士，約半小時便到達東昇鎮的脆肉鯇廣場。 一如所料，點睇都唔明用咗千幾萬既廣場有何特別之處？請教路人哪處的脆肉鯇好吃？路人教路坐電動車到 「美味園」。 約十分鐘車程， 加8蚊雞，就到達美味園。 哎呀！花老爺擰咗我去餵魚呀.......救命呀........ 好彩花師奶救咗我，仲幫我打咗花老爺一身花家在外邊玩咗一陣，到環境非常之麻麻的內堂點菜。 脆肉鯇每斤 28元，一定要原碟叫，每條魚包括四種吃法。打邊爐、蒸魚腩、炸頭腩和炆頭腩，原條魚就變咗呢八碟了。 用魚片打邊爐當然非常鮮甜；蒸魚腩又爽又甜；炸頭腩雖然香口，但略為油膩；炆頭腩就認真麻麻。 除咗脆肉鯇外，呢度既荔枝炭燒鵝皮脆肉嫩，忍唔住都叫咗個例牌。 仲有呢個魚餅又係得獎作品，魚肉又鮮甜又彈牙。 叫咁多嘢，四個人無可能食得晒，最後打包了三大盒給酒店的小妹。 返到市中心已是華燈初上，到酒店附近的足療中心做足療，再夜遊岐江。 晚上的岐江橋又是另一番景象。
