今次想同大家分享一下今次去旅行發掘到既一間「我最喜愛既店舖」

講到我最喜愛店舖，佢係位於明洞既一條窄街

門面並唔明顯，要行一條樓梯先落到去

但佢簡直係女人既天堂，一行樓梯落到地庫，好大好大既空間，全部都係服飾，果下真係呆左。

而且人流唔多，行得好舒服！

如果男朋友一齊去，都唔駛擔心。左面其實全部都係男裝！可以分開慢慢睇！

係咪大得好誇張呢？？

同大家分析下佢有咩好啦
1）你行幾耐都唔會有人sell你，任試唔嬲，非常自在

個感覺有啲似香港既maple，當然係大間好多

2）佢所有野都分哂類，講既分類唔只衫褲裙既分類，仲有唔同pattern，唔同質地，唔同款既衫，褲都會分長短，leggings。

非常之整齊！

唔會行到煩躁或者多到眼花繚亂，唔知從何揀起，之後放棄。

係度一定揀到你想要既野！

3）買衫唔怕size唔OK，但買褲就一定要試清楚。韓國唔多地方有得試身！佢有兩格試身室俾你試到飽！
不過白色褲就唔試得，只係可以試同款深色褲。但變相你買白色褲就唔駛擔心俾人試過會污糟！

4）講到呢度，大家會唔會擔心佢既價錢好貴呢？話到明「我最喜愛既店舖」又點會貴呢？

佢啲價錢都好親民，好多都係萬幾won，我買左條牛仔褲都係29,000won。
另外都仲有一part，係特價衣物。真係買到癲左！

有啲都只係5,900或者10,000won，超抵！！！

5）重點！！　大家一場去到韓國，當然想買韓國野！

我無每一件都有睇，唔敢話１００％Made in Korea，但都一定９９％！！

質地都唔錯！！

地址我都唔肯定

但大概係呢度，當你Exit 6 出黎大街第一個路口轉左

直行見到skypark hotel1既右邊會見到一條細路,直去就會搵到架喇

大家認住個門面啦

所以大家就算冇時間行明洞，都一定要去呢間睇左先！

集中得黎款又靚又齊！可以慳番係其他地方搵既時間！

希望大家會鐘意Karina既分享啦，

你既一推會係我出文既一大動力喔！

待續.......

=============================

歡迎產品試用或者出席活動等，請聯絡我：

kaikai0728@hotmail.com