517 (四) 今日有4個同學夜晚到首爾...約左佢地一齊食飯 再加另外一個都係首爾的同學同佢個朋友 一行10人出動.. 同學仔好鐘意睇runningman...所以去左哈哈的烤大腸店食飯 哈哈的烤大腸店係弘大...離地鐵站要行15min 呢度出名食烤大腸..我地當然要叫啦~ 不過呢度冇中文menu.. 店員的英文又唔係太好...點野有D估估下 我地叫左烤豬大腸...五花肉...海鮮湯同湯飯 烤大腸燒到脆脆地....我覺得幾好食 海鮮湯好足料...湯夠辣好惹味 用生菜包住燒肉食好正! 睇標題都知我地係度見到haha~ 見到果時真係好興奮...完全冇諗過 話說我地食野果時,其中一個同學忽然問waiter haha會唔會黎 waiter答話唔知 就咁過左一段時間 突然係我地食野間房門口見到haha呀!!!! 我地個個勁開心呀!!! haha之後同我地合照... 本來只係影一張...之後佢主動話one more~ 我地太多人啦~很難單獨影 之後我地追出去想單獨影...但佢同緊其他人影相..就冇問啦~ haha好nice呀~同我地握手...佢隻手勁軟綿綿呀! 佢仲請我地飲汽水^^ 我地都覺得可能因為同學問waiter haha會唔會黎 佢知道咁多香港fans專程黎...所以黎見下我地 返到黎香港睇到雜誌話haha星期二四唔會落店 但我地見到佢果日係星期四呀...更加覺得佢係特意黎XDD haha真係好nice呀...真人靚仔過上鏡XDD 可能佢見到我地太多人嚇親XDDD haah請我地飲的汽水^^ 今日見到haha, 真係一個perfect ending!
