日期: 2013年10月20日 地點: 西貢戶外康樂中心 - 日營 人物: 令仔仔X2 ; 令女女; 令媽咪X2 ; 令仔DaddyX2 ; 令婆婆 之前試過鯉魚門渡假村宿營, 今次就去下呢個一樣係康文署管理的西貢戶外康樂中心玩下, 康樂室門外show哂當天有得玩的活動, 我覺得好方便wow: 當日我地約十時就到左營地, 不過營地的活動全部都係由11:00先開始架. 所以我地首先去室外的兒童遊樂場hea一陣.. 好曳的小朋友: 同鯉魚門比較, 呢到D活動地點近好多. 而且係一條路貫通哂, 雖然都係斜路, 不過好行好多架. 室外的活動仲有, roller 場, 泳池, 兒童單車場, 射箭場同埋繩網: 上午見到有 射箭同埋繩網玩, 可惜兩項活動都要8歲以上先可以玩,繩網要有140cm先得. 令仔仔好失望, 唯有等多兩年啦. 想玩的無得玩, 於是大家就轉玩室內的足球機+氣墊球, 一樣玩到身水身汗: 上午的活動到12:45分就要停架喇, 大家準時1點鐘到canteen食飯, 公價每人$28, 5餸一湯, 白飯任裝, 只可以講, 一分錢一分貨啦: 1:45之後又開始活動時間喇, Roller要6歲以上就可以, 點知去到又無咁細的鞋可以比令仔仔著, 就係咁, 我地咁多樣有教練的活動之中, 只可以玩到攀石一樣: 下午3點15分要出營之前仲打埋羽毛球先走: 其實西貢戶外康樂中心同係好近西貢市中心架, 咁早而午餐又唔多夠(當然為食先係主因); 出營之後我地就行路去西貢市中心, 順便經過某間糖水鋪食餐勁的: 路經一間好特別的鋪: 好瘋狂呀: 我諗依家已經唔會有人特登去西貢食呢間甜品lu..不過可能我人真係開始老喇, 始終覺得咁多間分店都唔及呢間老店的甜品咁好味架.
