日期：2013年10月1日 人物：令嫲嫲，令仔Daddy，令媽媽，令仔仔 二年級開學左一個月, 發覺功課真係多左, 壓力大左, 所以趁呢個少少的假期, 我地又要出動喇, 今次揀左去一個比較少人去的坪洲: 喺中環坐12:00快船, 半個小時就到左坪洲喇, 同長洲, 南丫島都好唔同, 坪洲無咩賣手信, 小食的鋪頭, 我地都見唔到海鮮酒家, 不過帶住呢對為食兩仔爺, 點都要食少少野先, 於是就食左一間小小的越南食店+一隻烤魷魚. Yummy!! 今日入坪洲的目標係要挑戰呢個島上面最高的山: 手指山; 經過左坪洲中心的鋪頭仔就會見到下面第一個圖的路牌同埋一個公園, 再之後就見到呢個天主堂同佢對面的一個公廁, 公廁後面就有一條路可以上手指山喇 點擊圖片放大 依家去完返嚟講好似好勁咁, 實際上當日我地係行錯路架.上面3張相係我回程落山的時候影架.^^' 我地當日沿住海邊行,去左隔離果個唔知咩山, 再行左d山路先真正到達手指山的山腰, 到左山腰之後再行左3xx級樓梯先到山頂架. 山頂上見到廸廸尼酒店: 呢兩仔爺d汗係咁直流, 不過好值得呀: 今次都算係第一次同仔仔行山, 難得佢都幾鍾意,再涼少少要再去挑戰下其他家樂徑喇.
