2020年就快過去……朋友成日講2020年最無用嘅野係PASSPORT(掩面)2020年1月因為工作嘅壓力任性地唔理價錢…唔理玩幾多日都要出走…其實只係去台灣(笑) 屋企嘅傳統係年三十要一家人齊齊整整食團年飯2020年1月24日一定要番到香港於是用唔同嘅APP 搵機票酒店最後我係TRIP.COM 用左HKD3087.07買左來回機票(早機去中午機番)加2晚酒店 當初朋友/屋企人聽到去3日2 夜甘趕不如等遲D先啦……因為當時嘅任性所以去左今年唯一一次旅行(掩面) 自己一個去旅行已經成為我近幾年嘅事(同朋友成日夾唔到期/朋友嫌我可以去旅行嘅日子價錢貴等等……)成日夾唔到咪姐係無得去旅行……於是我就由2017年開始第一次1人旅行團(笑)每次一個去旅行我對選擇住嘅地方好有要求話曬自己一個人去外地都唔想有咩意外所以每次選擇住嘅條件多燈/一定要光猛(黑黑沈沈會成日疑神疑鬼)酒店附近要夠多人/市中心(如果夜番酒店都無甘驚)酒店附近係車站(都係因為夜番酒店都無甘驚番唔到去)酒店要有升降機(準備番香港個日行李箱要搬上搬落都……)重有要睇人地對間酒店嘅comment(笑) 當時我選擇左台北福泰桔子商旅西門店果然無令我失望(笑)checkin時間要3點後而當日我早左1個鐘多小小問職員可唔可以提早CHECK IN職員表示已經準備好房間係接待處有一個位置展示入住時會用到嘅用品如:牙刷套裝/梳/Handcream/浴帽等職員會詢問邊D用品有需要用到係入住時會提供(我個人覺得幾好 如果咩都放係房最後唔用 執房職員有可能會扔)到CHECK OUT 個日職員會問需唔需要買桔子產品番香港使用(笑) 當日入房我覺得空間好大…無異味…無咩污積…燈光又光猛入住個2-3日都幾滿意有一個要讚嘅地方係check in 時佢會俾一張訂購伴手禮嘅訂單只要係你離開台灣前2-3日訂購就會直送到酒店只要去接待處領取番就ok(訂時要俾錢先同只收現金)好多熟識嘅牌子都有如:微熱山丘、海邊走走、李儀餅店、如邑堂、維格等等……呢張訂購表係好貼心(去台灣而要公幹無時間外出就岩曬) 講左好多好嘅當然要講小小改善地方!!番到酒店第一時間係幫自己嘅電子產品充電(如:wifiegg /電話/充電器/藍芽等)但係……成間房得一個插插頭嘅位置重要係床底……如果條usb線短嘅就要放係地下充電(sadBTW入住個幾日係幾方便同感覺良好嘅!一出酒店附近已經有捷運/24小時屈臣氏/餐廳/商店街……如果再去台灣我會考慮再入住!!! 參考資料: 台北福泰桔子商旅西門店http://www.orangehotels.com.tw/fac/index.php?index_id=18 多謝睇到最後嘅你如果鍾意我嘅分享請Subscribe 我個Blog/IG/FACBBOOK我會不定期作出不同類型分享下一篇再見!BYEBYE! 歡迎邀稿、合作試用等Facebook Page: Karlee•90s•Hkgirl•Beauty https://www.facebook.com/KaLeeBeautybloggerIG: karlee90shttps://www.instagram.com/karlee90s/Email:Kammy523w@yahoo.com.hkBeautyexchange:https://www.beautyexchange.com.hk/blog/Kammy523UBLOG:https://blog.ulifestyle.com.hk/kammy523BLOG: https://kammy523.blogspot.com/
