最近天氣又開始凍啦~~ 每日都得個十幾度, 最好就係同一班朋友係火鍋暖下個胃啦!!! 但係仲食普通火鍋咁 OUT?? 識食就梗係食蒸氣火鍋啦"* 趁住跟朋友團年, 就揀左係天文台圍既【有蒸氣 海鮮石鍋專門店】 地方有點偏僻, 而且要行條很長的斜路； 所以上到黎都已經好肚餓, 準備可以食大餐啦~~ 一坐低, 店員就叫我地打卡啦~~ 原來係 Facebook 打卡即享神秘禮物：象拔蚌及甜蝦刺身 都很新鮮的呢''* 等朋友期間先點了數款小食~~ 秘製花甲 (HK$68) 及酒糟雞腳 (HK$58) 兩款都是凍食的, 花甲帶有少少麻辣的味道； 而雞腳的酒味很香, 很爽口入味!!! 這個是避風塘茄子粒 (HK$48) 炸得香口的茄子, 食落很軟腍, 就似食緊炸豆腐一樣!!! 惹味的避風塘製法, 令人食唔停口呢''* 另外這個咕嚕肉 (HK$128) 絕對係必食之選!!! 無骨既咕嚕肉啖啖肉, 甜酸適中, 外面少少脆而內裡不韌~~ 十分開胃''* 齊人後就開鍋了~~ 今次我地揀左南瓜滑雞粥底 (小份 HK$88) 店員將粥底的材料放哂入蒸氣鍋內, 不用加水就可以開始蒸野食啦!!! 當然以海鮮為主啦~~~ 三款不同的蜆殼類：大蜆 (HK$88/斤)‧花甲公 (HK$168/斤)‧鑽石蜆 (HK$138/斤) 大蜆及鑽石蜆肥大肉厚, 隻隻都好大粒~~ 蒸到剛剛好熟透, 食落鮮甜又多汁!! 雞油蒸鮑魚 (HK$88/隻) 用上南非八頭鮑, 將薑蔥放面再以雞油均勻掃上鮑魚裡再蒸； 大大隻鮑魚肉質爽口, 不會過韌, 一人一隻超滿足!!! 海鮮蒸千葉豆腐 (HK$98) 千葉豆腐排到十分整齊, 上面放了珊瑚蚌及加拿大海膽； 蒸好後熱騰騰, 豆腐超滑溜, 配上鮮甜的海膽味~~~ 簡直超夾呀''* 剁椒蒸扇貝 (HK$48/隻) 成隻大掌咁大隻既扇貝, 蒸好後超肥美厚肉既帶子超鮮甜； 連埋D 爽口裙邊及超多蒜蓉, 非常滿足~~ 成隻前臂咁長既斑馬瀨尿蝦 (HK$368), 睇見已經嘩嘩聲!!! 超多肉又多膏, 食落啖啖瀨尿蝦肉及橙黃色的蝦膏, 超滋味喔~~ 幾個人 SHARE 一隻已經非常足夠"* 另一道推介菜式：花雕蛋白蒸蟹 (HK$288) 原隻蟹放係蛋白上蒸, 溢出蟹膏, 見到都已經覺得好好味!!! 陣陣的花雕香, 配合超滑的蛋白及鮮甜蟹肉； 多重的味覺享受, 食完真係會再追住食~~ 除左蒸海鮮外, 仲可以蒸牛肉或雞肉~~~ 我地就揀左半隻鮮淮山紅棗雲耳蒸新鮮雞 (HK$148) 用荷葉墊係底, 蒸熟後雞肉帶有微微荷葉香, 還有淮山的味道!!! 雞肉蒸完出黎很嫩滑, 意想不到咁好味"* 最後還有原籠蒸小饅頭/奶皇包 (HK$38/3個) 分別有有朱古力味, 椰子味及奶皇味!!! 包包好鬆軟而且味道都幾出, 每人食少少已經好飽了"* 唔好唔記得仲有個南瓜滑雞粥底啊~~ 個粥煮得好綿, 已經吸收哂之前蒸海鮮既精華, 變得非常鮮甜!!! 簡單係完美既結尾呢"* 有蒸氣 海鮮石鍋專門店 地址：尖沙咀天文臺圍 5-9號寶軒酒店 1樓 ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ 歡迎大家跟我聯絡喔~ Email: winniecard@yahoo.com.hk BeautyExchange．BeautyLife．BlogDB．Blogspot．ELLE．FanPiece．iTrial．MyCossip． Qooza．QoozaBeauty．she.com．Sina．Style-Tips．theZtyle．UBlog．WeShare Kami 嘉美 の 貪靚鬼愛分享 Promote Your Page Too
