今日黎到衣間cafe，係因為見佢既打印飲品非常吸引，完全吸引到我黎呀！位置完全極度方便，尖沙咀站B2出口行前少少右邊就到，不過門口細細要留意一下！今日2點黎到，原來2點剛開始tea set，tea set種類麵飯類會少d，其他時段都有lunch/dinner set。我今次都叫左個香辣蜆肉炒意粉，打印飲品揀左凍朱古力咖啡，溫馨提示：餐牌上寫打印飲品指凍飲整出黎效果較好！如果唔要打印飲品，本身套餐加$6-9有普通凍熱飲/$12已經有餐牌上飲品(非打印飲品)，order打印飲品程序非常簡單，只要同店員order完，枱面膠架上有餐廳的whatsapp號碼set低直接send張相比對方，提提自己幾號枱就完成喇，非常方便！環境幾寧靜，歐陸式裝修，可能下午時間比較少人，可以慢慢享受！香辣蜆肉炒意粉先到，賣相都幾吸引，份量唔會好多，但都足夠填夠我個肚，飲埋杯飲品已經剛剛好！差不多食完意粉，打印飲品就到了！見到打印出黎既效果真係好真好靚，非常有趣！唔捨得大大力攪拌，真實樣子比相片顏色會更好。埋單$68....可以嘗試咁少有既得意野都算唔錯呀！走時見到近門口既甜品櫃，有得意公仔馬卡龍，仲有相片打印既蛋糕....幾有意思！有朋友生日真係不仿考慮打印蛋糕，獨一無二！
