今日收工後打算去做運動，所以叫定外賣壽司臨放工前食，放工後就可以直奔去做運動了~ 第一次幫襯Foodpanda，因為佢而家有個promo係每消費$1就可以賺到1里數，由首次於Foodpanda落單起計30日內都有得儲，岩晒我呢個儲緊里數去旅行嘅人~~~ 但個promo去到9月15號就會完，好彩我發現得早！ 喺website揀好自己想食咩，可以揀時間要佢4點先送黎，咁我食飽再消化埋先去做運動做岩岩好喇。 呢間晴壽司工房喺北角，我Google過好似完全唔見有人寫過食評，開頭都驚有伏，不過見佢價錢平都試下叫啦，最多無回頭姐~ 點知又好有驚喜喎！ 首先講下我叫咗啲咩先： 廣島蠔壽司 X2 $26 辣味魚生碎壽司 X2 $14 芥辣八爪魚壽司 X2 $14 鰻魚壽司 $7 油甘魚刺身 $25 白玉豚刺身 $18 北寄貝刺身 $13 馬刀貝刺身 X2 $26 原隻帶子刺身 X2 $50 活赤貝 $35 一定要大推既係廣島蠔壽司，我屋企樓下間壽司外賣店$17，呢到只係需要$13，食落完全一樣，未入口前已經會聞到一種只係屬於新鮮生蠔既海洋味道，一大啖咁食好過癮~ 其他壽司就無咩特別，但辣味魚生碎唔係只得三文魚，仲會有油甘魚碎等等，不過加入沙律醬我就覺得肥膩左D，好彩落料都叫大手筆，睇圖都見到D餸差唔多滿瀉咁濟。 刺身見佢平平地就叫左一碟自己食，不過份量好似過多XD 最推介係原隻帶子刺身，我叫左兩份，有成8片咁多，而且味道都好甜。白玉豚 & 油甘魚其實口感有D似，一個人食的話都唔建議兩款一齊叫。最一般既就係活赤貝，食落唔夠爽口。 第一次用Foodpanda叫外賣，估唔到有得用Tracking知道送貨哥哥大約去到咩位置，見到標示話外賣已經黎到樓下，唔洗30秒就已經見到送貨哥仔喺公司門口~ 提提大家：呀哥仔話下次送貨地址填英文會方便啲，因為我見親既Foodpanda送貨員都係南亞人士，可能唔係全部都識睇中文。 晴壽司工房 地址：北角電廠街13號B鋪
