平日想坐得舒服又唔洗俾人催鐘，最好就係去樓上Café。今晚來到的Nardo’s Café，裝修比其他Café的要亮麗及乾淨，用色主要都是紅色跟白色兩種，而一般Café普遍都愛用黑色，有時會覺得自己去了K房多過Café~

2人套餐只包一個主菜，應該較適合兩位女仔Share，而我跟男友都是大食鬼，所以便點了一人一個Dinner Set，另加兩客小食。

蘑菇湯 $10

Set Dinner加$10便有餐湯，雖然價錢平但份量十足，真的將隻碗裝滿至97%。

這道蘑菇湯的忌廉味頗澎湃，而且很足料，每一啖都食到蘑菇切片。

炸魷魚圈 $48

到底點解炸魷魚圈會平過洋蔥圈呢？實在有點詭異，不過這份魷魚圈炸得香脆乾身，粉漿已事先調味，而帶酸味的沙律醬則有減油膩的作用。

蜜糖雞翼 $58

通常小食都很愛用單數，$58一客的價錢我本以為最多也只會有5隻，而這裡竟然有8隻之多！雞翼被杰身的蜜糖輕輕的包裹著，外表少少脆而肉質依然嫩滑。

香蒜忌廉蜆肉煙三文魚意粉 $115

主食反而沒有小食那樣出色，這道意粉味道平平無奇，還好蜆肉夠多，不過忌廉汁略為稀了點而且整體來說溫度不足，只達到”暖”的程度。

New York Cheese Cake $15

Dinner Set只需加$15便有蛋糕一件，這麼便宜的蛋糕反而賣相幾靚仔，芝士味以酸味為主導，蛋糕質地雖然結實但多食都不覺膩口。

芒果沙冰 $12

晚餐包一杯$30的飲品，$30以上就只需補回差價。這麼大的一杯沙冰，芒果味濃郁，入口有清新的感覺，在我們吃過炸物之後飲沙冰就最好不過了，點朱古力的話實在太飽滯。

Nardo’s Café的遊戲收藏量不算豐富，但三數位知心好友來吃頓便飯也很不錯的~ 順道一提，這裡的侍應全都非常後生，做起事來有活力，笑容可掬。

Nardo's Cafe

地點：旺角彌敦道594-596號旺角新城8樓全層 (港鐵旺角站 E2 出口, 步行約5分鐘)

營業時間：星期一至日 12:00-01:00