成件事就係:明明好鐘意食韓國年糕，又嫌黎黎去去都係同一隻辣醬味 即使比你買唔同牌子既辣醬，都係一個辣字，老實幾悶。 不如試下新野，除左於邦尼，煮返個港式mix & match先啦! 今日既調味就用左回鍋肉，唔岩既五香肉丁都可以 韓國年糕加午餐肉呢個真係基本啦… 雖然話係freestyle，其實本人都用呢個煮法整過好多次架啦 分別在於韓式辣醬味道屬於甜辣甜辣，當然辣多啦，但就少左一點「香」 同回鍋肉就唔同啦，本身就已經係肉，有油份夠香，亦唔會太辣食唔到 材料就好自由既: 年糕、回鍋肉、娃娃菜、午餐肉、粟米 個人覺得係基本，個人建議其他材料唔好再加太多肉同本身好有味既野就ok 粟米係咩一回事呢?令佢更加有嚼口同埋甜甜地無咁辣呀! 其實見到有丸果一下又幾有趣既...都是果句啦，想佢有更多野嚼呀! 有一樣野要提議一下既，就係年糕最好先煮一下再過一過水，炒完出黎既成品就唔會黏稠 所有野切粒，年糕過完冷河再切細粒就準備就緒啦! 落野既次序最好先放回鍋肉>午餐肉>粟米、年糕>最後先放菜同脆肉瓜 因為太餓連完成圖都無影到呀!總之一個字，好味!!! 好似去茶記食炒飯咁，都會鍾意d材料切丁，細細粒好方便食!!! 材料又唔貴，真係可以一試!!!
