近年，朱迪開始迷上了波點~ 雖然大愛，但因為覺得 波點 = Cute = 唔襯我男人婆嘅性格，所以一直努力控制波點東東嘅數量。 暫時手上嘅波點東東包括返工袋、環保袋、phone case & 呢2支淘番唻嘅靚靚皇冠波點筆~ 仲有呢2支好靚而又擦得甩嘅dot柄筆~ 呢2支筆美觀之餘仲非常好用喲，對於成日執筆寫錯字嘅我，一寫錯，擦走佢就ok啦~~ 而呢一”擦”，令我不其然想，如果面上嘅斑點或印能一擦就甩就好了~ 當然，去印係需要時間同心機嘅！ 朱迪平常去印嘅做法係勤d做磨紗然後敷美白 / 保濕mask。 而呢個做法係全面性嘅，最適合我呢d懶人用。 最近，朱迪亦嘗試以去印產品加強針對性 (因為人老了，新陳代謝好......慢.........，平常用嘅方法已經無咁快見效了~) 這個就係朱迪最近用嘅針對性去印產品 Proactiv新產品 : Proactiv去印乳液 Dark Spot Corrector 之前朱迪用過Proactiv嘅產品，對Proactiv亦很有信心。 分別係Refining Mask & Proactiv Deep Cleansing Wash (如有興趣 : 可按此 Baby baby baby o! 主動出撃，迎戰痘痘 ) 而“印”，除左大眾一向熟悉（但唔想同佢咁熟嘅）暗瘡印外，仲有隨住年紀增長而出現嘅年齡色斑。 最得人驚嘅係，呢d年齡色斑如果唔理佢，可以幾．年．都．唔．退！！ 形成嚴重色素斑點，膚色變得灰沉暗啞。（相信心情亦會變得灰暗非常...） 而Proactiv嘅呢支新出品，可以有效去除暗瘡印同色素沉澱，更可以改善膚色唔均勻問題。 Proactiv去印乳液貫切簡約風，紙盒&牙膏裝packing 乳液質地輕身、易推開，通常點幾下就吸哂了。 輕按樽身已擠出一滴份量，而朱迪用呢一滴作重點出擊。 而份量亦非常「見駛」，一支有成30ml 嘅份量!! 除左好似朱迪咁，用唻針對性改善色斑問題，亦可以當lotion搽全面用。 為左試虔效果，朱迪曾試過夜晚全面用。訓醒覺得油都出少左d~ 不過如果跟朱迪一樣針對性咁用嘅話，唔知每日用一滴，一年後用唔用得哂呢? ;) 不過朱迪除左面上暗瘡印外，陳年舊印、鼻翼位較易整損而留有紅印嘅地方亦一拼用上。 薄薄一層，推開就ok了~~ 不過唔知係咪朱迪太乾，用嘅時候會有少少拮拮刺刺嘅感覺。 但就唔會引起敏感。 而用法就係夜晚last step用，用後直接上床訓都無問題，因為好快就被皮膚吸收了~ （因為入面有吸光嘅維他命C） 用左大約7日度，印就淡左咁多啦。 以朱迪新陳代謝率咁低又零運動嘅人唻講，效果不錯喲~ 有興趣嘅美眉就去屈臣氏選購啦~ Proactiv website: www.proactiv.hk Proactiv FB: www.facebook.com/proactivhk 多謝收看，有問題或想happy sharing，歡迎email我喲~ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~
