一向用開卸妝水嘅朱迪，近期已經不斷聽聞朋友想轉投卸妝油嘅懷抱 佢地講緊嘅係最近推出 Bobbi Brown Soothing Cleansing Oil 全新紓緩卸妝潔面油 朱迪好多年前曾經用過其他出名品牌嘅Cleansing Oil（如S品牌、F品牌、D品牌) 雖然身邊有不少忠實FANS，但對朱迪唻講都係太油。 而且有塞毛孔嘅感覺，更甚嘅係，會生粒粒。 當年年紀少，以為生”青春痘”係正常情況。 而最近試用了呢支升級版，體驗到佢嘅厲害之處～ 用後不單止無生粒粒或暗瘡，仲覺得皮膚乾淨咗添！ Bobbi Brown 係2009年已經推出左Soothing Cleansing Oil 而今次嘅升級版究竟有咩特別呢? 升級版加入左同類產品罕有採用嘅奢華成分。 以「潔面新標準：Super Clean．Super Soft．Super Sooth」打造此升級版 而要做到呢3S，全靠產品嘅奢華成份 包括矜貴嘅法國茉莉花精油 & 夏威夷堅果油 (佢地多數用於上乘嘅護膚品~) 茉莉花精油有效舒緩&鎮靜肌膚 (圖片從互聯網下載) 夏威夷堅果油含大量Omega 3，強化滋潤保護膜 (圖片從互聯網下載) 而且更具有高度保濕效果嘅向日葵精油 (圖片從互聯網下載) 朱迪最鍾意Soothing Cleansing Oil 嘅地方係”不含礦物油”！ 市面上有幾隻出名嘅Cleansing Oil朱迪都試過，但每一支都唔適合朱迪嘅皮膚，次次用完都會爆瘡(有理由相信係因為含有礦物油)。 而Bobbi Brown Soothing Cleansing Oil”不含礦物油”，所以就唔會出現堵塞毛孔嘅情況啦~~ 到而家朱迪用做差唔多2星期了，都無爆瘡~ (但有幾粒壓力瘡...嗚嗚...) 一睹真身先~ 貫徹品牌簡約型格包裝 朱迪先將Soothing Cleansing Oil試上手做小型test A Benefit Foundation B MAC Concealer C Kiss Me 防水eyeliner D MJ eye shadow E Missha 胭脂 F Cyber Color Ex Volumn 防水mascara 用一泵嘅份量輕輕打圈推開，已經卸走basic make up 防水eyeliner & mascara仲未卸哂 加水乳化後再推，情況好一點。但必須要大力一點先可以完成卸掉~ 用後皮膚還是水水嘅，無繃緊嘅感覺 試上手嘅測試有80分，扣掉嘅分數係防水eye makeup 需要用力推先卸到。 試完手，當然要上面試啦~ 跟其他Cleansing Oil唔同，Soothing Cleansing Oil仲可以配合按摩，一次卸去面部、眼部和唇部彩妝，且能清除污垢及多餘油脂。做到卸妝、潔淨、護膚 & 紓緩嘅效果! Cleansing Oil 可當Massage Oil用，可想以知佢係幾咁light~ 步驟如下: 1) 將Soothing Cleansing Oil泵於完全乾爽嘅手心 2) 由下至上、內至外。從下巴開始打圈，推開全面。(如下圖箭咀方向) 3) 輕輕按壓下圖5個 “X”穴位，有助暢通面部淋巴位 (上圖 “X”穴位) 4) 加少少溫水，整面輕按20秒，有助溶解妝物污垢和多餘油脂 5) 再用水清洗乾淨, 輕輕印乾便可 卸妝效果很不錯，邊推時，朱迪邊見到有酒米粉刺被推出唻 而應付eye make up呢? 朱迪會將一泵Cleansing Oil泵係cotton pad，放上眼大約30s，再輕輕用cotton pad 按壓防水eyeliner & mascara 位置。 能卸去9成eye make up。 之後朱迪用平常用開嘅eye make up remover，睇一睇，Cleansing Oil卸唔到嘅eye make up唔算多。 落妝後，皮膚質素好左喲~ 而且一d都無繃緊嘅感覺，而且不帶油膩感。 之後就算唔洗面都無一般卸妝油唔乾淨嘅感覺。 而第2日起身上妝，亦無谷瘡跡象喲~ 朱迪更覺得比往時貼妝呢~ 呢個新product，值得一試喲~ 多謝收看，有問題或想happy sharing，歡迎email我喲~ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~
