復活節後的星期六..同朋友快閃澳門一日 原先見某旅行社有做影匯之星同船飛的優惠 可惜果一星期天氣十分之唔穩定.. 差唔多星期四先決定去澳門.. 而個優惠要早三日預訂喎.. 好彩之前做足準備, 見到某個網都有做摩天轎的優惠 所以決定分開買飛.. 後補到11:15的船而完全唔洗排隊(可能係大船) 每次去澳門的第一個指定動作就係食蟹皇撈麵 所以就等待十六蒲的接駁車再慢慢行去牛記 朋友第一次食都很喜歡(只係蟹粉要慳住食) 見到對面位的腩汁湯底都好吸引, 下次再去試下 下一站就係食豆腐花..睇完某個youtuber而決定去食 由牛記行去李康記其實好近 佢的豆腐花有凍有熱(其實係暖) 而且係落花奶ge..(平時食開好似比較少見落花奶?) 食飽之後原本唔打算去大三巴(因為行去大三巴條路我真係超級憎) 但係第一次同呢位好友去澳門..咁就影番幅相留念一下 迫完一輪之後打算去澳門藝術公園 問完人之後, 原來已經變左停車場喇..... 最後係附近亂逛..就比我地見到個藝術小店街同戀愛巷 好靚的一間舖頭, 但價錢不便宜 不斷影下相..時間好快就到四點就出發去氹仔 上左架26A去到巴黎人..又再影下相 就到新濠影匯坐摩天輪..上到三樓換飛.. 比我想像中多人坐..要排隊等.. 很高興地佢地唔會安排唔識的人坐同一架摩天輪 坐一個8字大約要10分鐘左右 雖然今日天氣灰濛濛,但都睇到景ge..(雖然不算什麼靚景) 之後去左新濠影匯個甜運市集..不過比我地想像中有出入 反而去左food court買個葡tart頂下肚 再到巴黎人拍一個照 再坐番55巴士去媽閣附近食晚餐 今次朋友選擇了“船屋”..兩個人不用等位.. 叫左三樣菜, 以呢個價錢來講,份量都幾大 個人覺得個葡國雞比較遜色左少少 食飽之後又去後補早半小時的船番香港喇!! 今次個小旅行可以比我平衡一下… 因為要到九月先離開香港外遊喇(差不多半年呀!!!) 機票酒店已經訂左喇(雖然真係早左少少)
