出征五星級超強勁自助餐 由頭盤帶到落甜品的超班馬 已經好耐冇去食過酒店自助餐喇~ 家下啲自助餐其實都幾貴啊! 五星級酒店閑閑地都800蚊一位，真係冇乜錢食咁豪呀！ 朋友介紹我來食朗廷酒店嘅自助餐，吸引我嘅地方就係佢做緊七五折特價，四百零蚊咋！ 四百零蚊食五星級酒店，仲要係間咁靚嘅酒店我當然一定要去啦！ 點擊圖片放大 一入到去就會見到超級靚, 好多嘢食嘅Bling Bling 甜品部！呢個設計果然有心思，因為甜品就最能夠吸引到女性嘅目光，擺響門口附近行過都會心郁郁想食嗎！ 甜品數埋至少有20零30款仲有一樣啱啊！ 入到去樓底高，環境一流座位舒適，果然係五星級自助餐，坐得到特別舒服！ 點擊圖片放大 頭盤沙律吧係一張圓大枱啊，有勁多新鮮的沙律菜, 同頭盤小食，全部都細細件十分精美！一口一件，留意番當中嘅頭盤小食呢邊有一啲係羊奶芝士做，唔食羊奶嘅朋友要睇清楚！ 點擊圖片放大 +3 你話我吸睛嘅地方當然就係超級強嘅強勁凍海鮮部啦！海鮮選擇超級多有青口，波士頓龍蝦, 琵琶蝦, 波士頓龍蝦鉗，龍蝦，小龍蝦，加拿大蟹腳, 冰島海翡翠螺，而且生蠔都有至少兩種！當日嘅美國蠔十分之肥美而且creamy ~ 海鮮嘅隔離當然唔少得嘅就係日式刺身壽司啦！三文魚, 八爪魚, 吞拿魚等，全部都超級新鮮！特別喜歡佢嘅壽司十分精美！ 其實講到而家我都仲未講我最鍾意呢個自助餐嘅地方，仔佢有強勁嘅凍肉盤同埋芝士部，凍肉盤部選擇超級多，牛仔凍肉腸, 帕爾馬火腿, 沙樂美腸, 胡椒凍肉腸, 辣肉腸, 以及開心果凍肉腸. 仲有自家製鴨肝醬及自家製豬肉凍批, 好此道者要留意了. 雖然呢度嘅鴨肝醬冇萬豪的咁正但係都係高質！大家要試試啊！ 芝士部仲正Pecorino Cheese， Camembert，Grann Padano Cheese，Provoine，Taleggio Cheese，Goat Cheese，Gorgonzola Cheese ！超齊全而且好食，如果可以嘅話俾我攞走呢個咁大嘅芝士啦！至於法式製小食都有好多選擇，啱晒我！ 另外仲有一個即叫即整嘅面站，可惜嘅係因為我太飽所以冇食到， 湯底有雞湯, 喇沙, 麻辣, 越式牛湯, 佢哋話也佢嘅湯底十分之正，尤其是係辣湯啊，好辣嘅朋友們一定要試吓啦！ 除咗基本嘅中湯西湯之外，仲有特色燉湯，清甜可口，我嗰台嘅朋友裏邊，竟然有人可以飲咗四五碗，就知道佢幾捧場啊！ 仲有可愛版海南雞飯, 油飯香味十足，而且飯夠乾身！正！至於呢度嘅煎鵝肝，即叫即做十分之口而且香滑無比，質素超班！ 呢個自助餐最與別不同嘅地方就係呢一度佢哋有即叫即正嘅蒸魚部，每天都用相最靚新鮮嘅鮮魚配上是蒸魚豉油，蒸得剛好美味鮮滑，而且份量亦都唔會太大，啱晒我哋呢啲成日要出去做嘢想念媽媽蒸魚味道嘅人啊！當日有老魚烏頭同黃花魚我當然揀咗我最鍾意食嘅鱸魚啦，果然係鮮，滑，美味！ 熱食選擇都好多，聽講聽朋友講佢嘅西冷扒同意大利乳豬都好好食架，不過嗰日太飽所以未有食到要下次再嚟出正先返！ 因為美食實在太多嘅關係，我到最後竟然食唔落甜品 ，只係食左兩球movenpick 嘅雪糕就完結左我今次呢個咁開心而且抵食嘅the food gallery 自助餐之旅了！ 4月4日OpenRice有75折優惠券, 折實埋單只需$466起.如此靚嘅環境, 高嘅食物質素，同埋甘正嘅服務！伍佰蚊都唔使，所以真係好抵食，最驚4月4號肯定超full 囉~~ The Food Gallery (尖沙咀) 尖沙咀北京道8號香港朗廷酒店大堂 Contact me: zero_huipo@yahoo.com.hk
