精品粵菜 兩口子的美味 藍帶得獎1983 是日和好朋友黎到跑馬地食中菜，係你食中菜之前嘅一日我同呢位朋友就去咗澳門譽龍軒摘星，泥到呢一家1983，門口擺放左藍帶得奬嘅證書，雖然冇冠冕堂皇嘅裝修，反而係深木嘅純樸感，舒適環境，枱同枱之間很有距離，座位舒適，未食飯已經充滿期望！ 兩個人食中菜其實有點難叫食物，有好多野想食但係亦都食唔晒咁多，幸好呢一度有幾個套餐，豐儉由人，有精選二人套餐，亦都有魚翅套餐同埋魚翅龍蝦套餐，價格由600元兩位，到1000大元兩位。 因為朋友唔識次嘅關係我哋就點左精選二人套餐，最令我意想不到嘅就係呢一個套餐，真係好有水準，而且很飽很滿足！ 先來個前菜: 香蔥油海蜇花和蜜餞叉燒，這裏嘅精品粵菜套餐係每位上的，所以特別精緻優雅！ 用上上海海蜇頭配上淡淡香味嘅香蔥油，海蜇頭爽口得很，比起平時酒樓吃嘅海蜇更勝一籌！麥錢叉燒上碟時還暖，清楚看到外皮充滿蜜糖汁，叉燒內很juicy ! 接着嘅係是日精選燉湯: 係我最鍾意嘅蟲草花螺頭煲雞，湯水很清甜滋潤，而且油份不多，螺頭蟲草花這個配搭絕對是一流，絕對係健康補身之選！ 然後接着就到主菜，主菜六選三，能夠一次過是到佢哋幾個知名嘅菜式，實在太好了！ 先點咗個黑赫白玉蒸龍躉球，用上帶點甜美嘅黑赫，配上新鮮龍躉厚切，底下就係一個嫩得很嘅蒸豆腐，帶點甜美嘅黑蒜比起平時用嘅蒜蓉更能夠襯托到龍躉肉嘅鮮甜，龍躉球十分新鮮肉很有質感，再用想豆腐托底豆腐能夠將鮮果好好吸收，不浪費！ 再嚟一個碧綠龍王翡翠杯， 用上翠玉瓜做翡翠杯配上大蝦球，大蝦十分彈牙可口，點上蟹子做嘅醬汁，清清地更見真章！佢每一道餸都巧妙地運用蔬菜來吸收食物嘅鮮味，而且令到整個送菜更加有營養！ 第三個主菜點了銀湖西施， 用上蛋白蝦肉同埋蟹肉炒成，呢一個銀湖西施最吸引我嘅地方，就係佢嘅底用上咗燉蛋白，而蛋白同埋炒蟹肉中間就會上咗小小甜嘅蜜糖醬，巧妙地營造出湖上嘅鏡面感覺，説真這個銀湖西施絕對係今餐晚餐嘅一個大亮點！ 燉蛋嫩滑，配上帶點甜的清澈醬汁，以及蛋白炒蟹肉，味道十分之平衡，幾乎完美！呢個菜跟我之前日日都譽龍軒食嘅摘星菜白玉斑魚同樣出色！ 略嫌有所改善嘅就係，如果佢唔用蝦肉，全部淨係用上蛋白同蟹肉，出嚟嘅感官應該會更加好！ 三個主菜精緻上枱，唔好睇佢好似好細，去到呢一刻已經有八成飽啦！再嚟一個由好可愛嘅煲仔上枱嘅瑤柱蛋白炒飯。 瑤柱蛋白炒飯炒得乾身利落，十分之足料，每一啖都食得到瑤柱，配上爽口嘅菜粒，很好吃啊！可惜女生食嘢比較少，最後食唔晒呢一個可愛別緻嘅蛋白炒飯！ 當然少得嘅就係飯後甜品啦！飯後甜品一式兩件. 一定要試嘅就係呢個紫薯金沙球 煎堆碌碌金銀滿屋嘅感覺，裏面包住嘅係十分煙韌的紫薯皮，和流心的奶黃，熱辣辣，爆醬但不會太甜！大愛！ 問過經理知道原來呢一個紫薯金沙球係其中一個王牌點心， 受歡迎程度大概係每一台都會叫，再仔細問一下發現原來佢哋嘅點心都係一流功夫，即叫即做架，所以午市係特別受歡迎，而且更有推出午市嘅點心套餐能夠令到客人一次過品嘗佢哋嘅激幾種知名點心！ 今次黎到呢一間1983品嚐晚餐，建議如果係兩位至三位嘅朋友，可以試吓叫佢哋嘅套餐，因為套餐真係好抵食，而且十分之精緻，以後要食中菜唔使約埋一大棚人啦！下次泥我就會食魚翅餐~ 壹玖捌叁 Hong Kong Cuisine 跑馬地載德街2-4號1樓 Contact me: zero_huipo@yahoo.com.hk
