10號風球當中嘅香港，同步一直放晴嘅Bangkok(✪ω✪)，正等候下一班霸王船埋站，我倆面皮簡直十尺厚(*´艸`*)，但呆等15分鐘過後，先被通知壞船建議我們「Luk Tak C(搵的士)」，所以就截Tak C出發Saphan Taksin站都只需45bahts，司機到站見我哋比100bahts居然佯稱無錢找唔想找?!唔打緊，小妹有50bahts=]，最多唔駛你找嘞！ Terminal 21 - SF Cinema City SF Cinema City - Ghost House Terminal 21 - SF Cinema City 沿途唔少燈箱都有介紹呢套戲，所以行到Terminal 21頂層時，諗住同楊生入戲院睇場戲拍吓拖啦，剛巧14:50又有場噃！小妹有點熱血沸騰快要衝去買戲飛之際，先發覺原來楊生對於睇戲只可以睇畫面而不能理解內容實情不感興趣，三陪又有咩樂趣可言...所以計劃就此作罷算了～都係去食緊要得多～ Have a Zeed by Steak Lao - 好同事好好介紹～ Terminal 21 - Have a Zeed by Steak Lao 今次到訪Terminal 21，專程嘆好同事推薦響4樓嘅泰菜餐廳—Have a Zeed by Steak Lao ，原來呢兩層食正宗泰菜嘅餐廳都只得一兩間反而，而踫巧撞上食飯時間所以要排隊等...但等待係值得嘅～真心推薦好味道´-ω-)b Have a Zeed by Steak Lao@泰式凍咖啡 Have a Zeed by Steak Lao - 泰式凍咖啡 將咖啡雪成冰條，咖啡味道就唔會因為冰塊溶解而變淡，不過真係真係真係好甜，但好同事話絕對無可能，差別之大實在費解?莫非今次廚房用錯咖啡糖嚟製冰?我哋勉強飲咗半杯已經飲唔落太甜嘞，好同事就話，可能關對面座住嘅係邊個都有影響噃XD～所以佢飲得好苦(つд⊂) Have a Zeed by Steak Lao@冬蔭功 Have a Zeed by Steak Lao - 冬蔭功 今次曼谷之旅The Best Choice～但為咗貼切外國遊客所需，而家好多餐廳都唔會整太辣，據卿卿所了解，因為以往好多餐廳都照傳統泰式煮法所以太辣，啲外國人食唔到，但又唔識點表達因此直接浪費唔食，自此餐廳就將冬蔭功辣度重新調整了。但酸尾尾微嗆依然好正好好飲( ♥д♥） Have a Zeed by Steak Lao@咖喱炒魷魚 Have a Zeed by Steak Lao -咖喱炒魷魚 食落就好似食緊花生咁，食完第一粒就會想追食第二粒，食完第二粒到第三粒第四粒....無啦啦夾剩楊生對筷子～(=´ᴥ`)搶食 Have a Zeed by Steak Lao@通菜一碟+咸蛋黃軟殼蟹 Have a Zeed by Steak Lao - 通菜 + 咸蛋黃軟殼蟹 通菜味道不過不失，相比banana leafs則略為遜色;另外呢碟咸蛋黃軟殼蟹，啖啖蛋黃香而且有咬口，味道香濃好味; 以上三款絕對是三高人仕必避=] 沿著google map路線尋找，沿途鳥語花香邪骨處處 (借圖分享) BTS Asok - Sukhumvit Rd.,Soi 2x 沿著google map路線尋找隱巷spa—Raintree spa，跟著地圖直走，沿途鳥語花香邪骨處處，眼見前方走著一位單身外籍男仕，每每走過店舖前方，就會一眾緊身背心短裙仔波濤洶湧一哄而上_(√ ζ ε:)_伸腿)，楊生看似葡萄般怪責一定係小妹企響隔離累佢唔發市，死淫賊！ # ﾟÅﾟ）⊂彡☆))д`)･∵ 呼巴掌 raintree spa＠Asok BTS Asok - Raintree spa Raintree spa裝潢一般，而且冷氣不足需要開風扇，但勝在價格好相宜， Thai Massage 60mins都只係400bahts～但因為兩個都未試過玩草藥球，所以今次我哋就選擇咗90min Thai Massage & Herbal Hot Compress，每人1000Baht！ raintree spa PRICELIST＠Asok raintree spa＠Asok 草藥球唔好玩而且好狼狽，技師隔住件衫咁推瞪時整濕晒啲衫褲黏嗒嗒，而房間比想像中光線暗和舊，不過按摩手勢真係幾好嘅～正當我好夢正甜之際，隔離吉咗出嚟嘅床位，突然傳出拉開木櫃門嗰種咿呀聲，但睜開眼只見兩位技師如常按摩，但每次小妹一閉上眼，咿呀聲音都會持續發出，身處的二樓窗外亦未見不妥，最奇怪點解兩位技師同楊生都好似完全聽唔到，小妹再次閉上雙眼，窗簾之間突如其來好大聲嘭咚一聲。 raintree不思議corner Raintree spa - 不思議corner 終於，楊生個技師都察覺不妥望向窗邊，因為明顯係重物撞擊玻璃窗嘅聲響，以及水盆傾瀉嘅水聲，我半坐起身問技師窗邊到底咩事，突然我個技師一臉慌張起嚟，望住楊生個技師求助，終於佢攝手攝腳咁往窗邊靠近....日光日白搞到我都緊張埋一份，最後佢只係敢逗一逗塊窗簾就跑返嚟同我講「wind ﾍ( ﾟ∀ﾟ;)ﾉ」...而聲音亦都突然消失，直至技師離開後小妹更衣前，小妹決定直接走到窗邊打開窗簾一睇........ 嘩！出面橫風橫雨呀！ 搵個地方避雨先啦>< 外面突然橫風橫雨，響Raintree避雨期間，楊生望住對100bahts草織拖鞋心思思，但又貪小便宜諗住沒有最好只有更好更平，最終果然後悔莫及，搞到臨走前都話想專登「Luk Tak C」返嚟買，睬佢都傻，麻煩重讀櫻桃樹故事。btw雨一直下，同楊生都唔好意思賴死唔走，一行出大門水浸貢樣樣，我倆跳落一個又一個水窪，最終都係跑咗去raintree旁邊Little Hut餐廳避雨順便食waffle～ Little Hut house of waffle Little Hut house of waffle Little Hut house of waffle BTS Asok - Little Hut house of waffle 胡生響blog有介紹過，進入餐廳後四至五名職員一哄而上，但店內卻空無一檯食客，才剛被領到窗邊位置座，姐姐隨即遞上嘅menu卻只有提供正餐?!我問姐姐係咪有waffle嘅menu姐姐先醒覺另外遞上，原先跟住姐姐身後一齊接待嘅疑似負責廚房嘅大叔，聽到姐姐話我哋係要食waffle瞪時沒趣的轉身離開頭也不回XD～ Little Hut house of waffle - Apple shake & melon shake 姐姐笑容甜美，既沒有變臉亦非常友善～原來waffle同飲品方面都係姐姐自己一手包辦～而今次點餐又發現，此Shake又唔等於Milkshake，呢粒shake響呢間餐廳原來係解作鮮榨果汁！同楊生純粹好奇奶昔點樣有Melon同Apple味先至Order，雖然捉蟲不過睇住姐姐真係直接響眼前切水果鮮榨出嚟，又真係瞪時覺得有夠fresh，成個人都好淨化XD Little Hut house of waffle - no.001 Little Hut house of waffle - no.011 waffle味道上無驚艷之處不過不失，如果massage完路經此地可以一食，但專登就無需嚟食～而雨勢終於減弱，踫巧又係放工時間搭BTS同上班族湊成一團，就響築起人牆期間，有個辣妹正背靠著楊生快要撲倒懷中(灬ºωº灬)散花)，見楊生有所期待之際～小妹惡作劇將楊生突然轉向送楊入鯊口～楊生居然真係慘叫聲唔好(((ﾟДﾟ;)))，爭在未大聲叫救命喳，要快啲逃去安全嘅地方嗄 (*´艸`*) Asiatique戰利品 Riverside - Asiatique Ramada 終於無Accident有船到，二話不說逃跑上船！終於真正可以響Asiatique閒逛～見到啲拖鞋諗住買比家姐啦，點知一穿隻腳踩落去痛到飛起！先發覺原來對拖鞋鞋頭釘咗粒釘超痛！！原來係用嚟掛響牆上面做Display，嬸嬸見狀只係微笑帶過以魔術手拔除，100bahts對，講180bahts兩對一口成交，見咁順灘?比160bahts得唔得，唔得! The Pizza Company - Double Cheese & Tropical Seafood Asiatique - The Pizza Company Asiatique - The Pizza Company 終於重拾舊時風味食咗Pizza Company～我嗰陣留泰時必吃食府～不過呢間要咩無咩...而且唔知係咪因為遊客區，味道同Sala Daeng差遠了！我最愛嘅Double Cheese & Tropical Seafood，一定要Order厚批先好食，今次試咗叫薄邊差好遠！ Mango Tango - 芒果糯米飯 Asiatique - Mango Tango 巧遇Mango Tango即刻外賣芒果糯米飯拎走～客人多到呢....不過Mango Tango嘅水準最平均好食！佢個糯米飯真係無得輸！專登買返酒店送虎啤一絕～而楊生亦響Asiatique收穫到掌心按摩球、手工皂、以及....透視象褲(つд⊂) Asiatique - Gelato ice-cream Asiatique - Gelato ice-cream Asiatique - Gelato ice-cream 楊生Double Chocolate完又Orange Chocolate，咩都Chocolate，我嘅有Blue smurf、Netulla同Coffee～排名分咗先後～Coffee我想剔除多 =p 行到22:00食埋Gelato雪糕便準備回酒店了～
