鼎泰豐(信義店) 終於帶大爺嚟食鼎泰豐指定信義店！我唔知究竟係咪真係呢間好味啲喇～定因為自從我第一次嚟台北，司機大哥一聽到話去鼎泰豐，就極力推薦話信義店才是最好食嘅一個情意結！而事實到而家仲未令我失望過～就選擇繼續相信吧～今次都要點三寶！ 最好味黑松露小籠包又五顆～ 蟹粉小籠包五粒～ 酒釀湯丸～ 仲有個原味小籠包五粒做早餐～另外仲可以確定說，原來只有日本人會來這間信義店，包括所有日本團！完全沒有大陸人會到這家吃～據我嚟咗四次分別唔同年份嘅經驗來說，９５%日本…５%香港，撞口撞面都係日本人！若然真係想避開強國人，不妨來這間吃～等位都好快～日本人唔會霸住晒唔肯走不停吹水～ 金石堂～第一次見呢本書～ 又係打書釘嘅好時更～鼎泰豐旁邊已經係金石堂書店！以中西歷史書藉為主～剛好開正大爺興趣範疇歷史～所以又逛咗３粒鐘～肚餓大不了又過返隔離鼎泰豐下午茶喳嘛～XDD不過當然無咁做～同大爺響金石堂各自睇定咗幾本書之後，諗住金石堂有嘅書，誠品應該點都會有掛？所以兩個做完書霸就頭也不回離開咗去搵下午茶食了。因為今日都叫lastday聽日就要返香港，而今次台北之旅成行目的，都係因為大爺家中書庫已經騰出空間，一於下午茶就決定響誠品敦南店完成！ Blackpages Cafe～ 焦糖Latte、百香果貝可拉蛋糕～我嘅！ 我睇文具大爺響誠品音樂館聽歌睇黑膠碟尋寶，另外誠品音樂館裡面原來有間叫Blackpages Cafe～係可以一邊聽音樂館播住世界各地嘅非主流音樂～一邊小口小口呷住咖啡食住蛋糕，忙著自己事情看自己所買的書～當然，若果我倆旁邊那三個好同學，唔係選擇咁悠然寧靜嘅空間，作為姊妹淘聚腳點大聲講大聲笑齊齊想當年就似乎更美好了～ 我最鍾意嘅沙畫玩具～就係大爺響科學實驗玩具店偷偷買比我～ 除咗書店之外，誠品敦南店整棟其實仲有好多層形形色色嘅店舖，有飾物有時裝有精品有科學實驗玩具店～我床頭前一直珍而重之嘅沙畫玩具～就係大爺上年台北旅行時察覺我喜歡～趁我上廁所時偷偷買比我然後混進我背囊去，直至回旅館我才發現嘅小驚喜～ 忽發其想拿二姐嘅相片封套配搭出來嘅煙火景～ 沙畫無Take 2～又一幅佳作～ 沙畫無Take 2～所以每次我刻意弄，或偶然沙子掉下來的自然沙畫作～踫上漂亮構圖的話～我都會影低去做留念～係CP值非常高嘅擺設玩具～最後一張是昨晚新鮮掉出來的=] 一大堆莫名奇妙，大爺都尋到寶！佩服 逛過敦南店誠品之後，意外發現剛剛響金石堂各自篤定嘅書，嚟到誠品居然係只搵得返一本，我想要嘅指定版本聊齋誌異同西廂記都居然無，仲要連相關嘅書都只得一本仲要係教師導讀本，好失望囉，咁多經典鉅作都可以無，莫名其妙就一大堆。 被困忠孝敦化地下街，只好渾噩呆坐嘅妹子，我嘅視點。。。 書就買完，準備出發今日最後安排嘅行程，諗住趕得上５點前到淡水去，結果因為大爺嘅自以為是，及我嘅估計錯誤，我同佢失散咗車站地下街。。。向左走向右走，最無奈的而且確，係身上只得房卡一張、電話一部、但錢唔響身上，想走但又唔走得嘅窘境 。 好可愛嘅赤兔咖啡～怎麼要反感寧願唔飲？。。。 黑蚊蚊都係大爺，紅粉緋緋嘅通通都係我！ ５點４０分先入到淡水。。。大爺水都無啖，一落車已經拿臨去買咖啡飲，我都餓到腳軟要買冬甩食！杯咖啡出乎意料居然可愛成咁！兔仔仲要粉紅色加一對奶 咀咁高嘅長耳仔～大爺非常反感隻可愛兔兔杯唔比我影佢，連飲都即刻唔想飲。。。我一想偷影即時發爛抓狂要重新format我部手提咁濟[(ﾟ皿ﾟﾒ)伸手]，咁惡㗎而家啲男人！[ヽ(#`Д´)ﾉ交出] 淡水碼頭~一片灰茫茫 行為藝術呢回事，我識條鐵 原計劃趕嚟淡水欣賞有名嘅日落景點，不過嚟到發覺就連天氣都麻麻，霧很多很厚，放眼看都係一片灰濛濛，都唔打緊～坐響淡水旁邊一路食冬甩一路嘆咖啡都係另一種享受～別有一番風味嘅～然後漫步吓淡水碼頭～ 淡水碼頭～ 淡水老街夜市 好好味嘅山豬腸非食不可～即煮扇貝湯都好好味！魷魚也讚～ 淡水個阿嬤始終唔夠九份個阿嬤嚟，失望 原定想去新北市近年先新開嘅夜市，但時間關係預料由淡水返入台北，再要轉車出去搵路，時間都唔早，再者亦發覺，淡水夜市都有齊其他夜市皆有嘅街頭小食，倒不如輕輕鬆鬆逛盡淡水碼頭及老街一帶還好吧～餐餐都鬧著玩你爭我食，挺有趣的說～ 蝶豆花～其實七喜一杯～ 好鍾意嘅Choker.....無咗喇 食太多油油膩膩～唔爭在返到旅館樓下～買多支蝶豆花實情只係七喜汽水嚟飲啦～仲買咗條Choker出街戴～貪靚貪新鮮嘖～可惜張相係條Choker嘅第一張，都係唯一一張遺照。。。因為我漏低咗桃園機場某一處地下。。。失縱不見了。。。好可惜。。我好鍾意哩個款色呢。。。 蜂大咖啡～ 類似美式咖啡好甘 都係咁樣易入口啲討好啲 不用懷疑，這是翌日早上，即台北第三天，亦係回程香港的時候，樓上是我們在蜂大咖啡的簡單早餐，無錯～一杯咖啡～Just For Me～大爺就加多片多士同黑古勒特咖啡～ 最後斬穫～ 食完準備出發機場去，又試好唔覺意，好唔自覺咁～同大爺入埋誠品台北站～作真係最後最後最後嘅衝刺( 因為很重要，所以要講三次 )～大家又多本最後斬獲了～
