搭巴士出發富士急高原樂園後門 直接切入重點吧XDDD～由於時間關係，鏡頭已經轉咗去有名嘅富士急高原樂園～我最期待嘅時刻終於來臨！道聽途說每款機動遊戲動輒就要排返三五七粒鐘！事不宜遲，去片！搭巴士途中比我發現到車上面有樂園嘅介紹資料，最底下居然有兩張免費入場門卷！緊係即刻撕落嚟入場！成功免費又慳咗合共3000円！ ゲゲゲの鬼太郎妖怪横丁 一行入樂園門口已經卻步了，原來富士急樂園有鬼太郎區都係而家先知，反正得一段路仔幾間店舖罷了，應該唔駛嘥幾多時間(衝) ゲゲゲの鬼太郎妖怪横丁 ゲゲゲの鬼太郎妖怪横丁 ゲゲゲの鬼太郎妖怪横丁 邪惡賣店 好可愛 ♡ 好多產品都好吸引～揀吓睇吓～大爺已經催促我又話要去排幾粒鐘隊玩機動遊戲！回程先買啦未閂嘅！再睇就耽誤時間趕唔切喏！係噃！我有個非玩不可！想實現好耐嘅一個夢想體驗～我肯排幾粒鐘隊，都係為咗呢45分鐘喳！ 慈急総合病院 - 絶凶・戦慄迷宮 慈急総合病院 - 絶凶・戦慄迷宮 慈急総合病院 - 絶凶・戦慄迷宮 慈急総合病院，我細細個就聽過呢個名喇，經佢地每日應診嘅來客只限一千(千五)人，睇下啲鬼頭———— 慈急総合病院 - 絶凶・戦慄迷宮 想搵間驚嘅鬼屋，嚟間有名氣啲嘅，慈急総合病院，冇介紹錯嘎!—— 睇見條人龍同等待時間為3h30m，但為著呢45分鐘驚慄體驗，嗯，值得嘅，一定係，除非唔係。結果真係一語成懺。 慈急総合病院 - 絶凶・戦慄迷宮正門 慈急総合病院 - 絶凶・戦慄迷宮 慈急総合病院 - 絶凶・戦慄迷宮最終出口 左下角白色嗰度門，就係戦慄迷宮嘅最終出口，久唔久會無啦啦突然好大聲砰砰砰，緊接住會有兩個瘋病人撞開度門衝咗出嚟搗亂叫囂，嚇到人心惶惶心都離一離～～仲三兩吓散手已經擒咗上人龍上方嘅鐵皮屋頂跳唔停抓狂似的，而且化妝係挺嚇人的咒怨妝，躲！搞到老么我睇到更加心如鹿撞期待萬分～眼見個個都超驚惶咁跑出嚟！！好緊張呀⸜(* ॑꒳ ॑* )⸝ 慈急総合病院 - 絶凶・戦慄迷宮入場券 除咗去廁所，我哋都無離開過無玩過食過其他啲咩，就係默默等咗咁耐，手腳真係完全冰冷凍彊咗，一離開人龍去廁所，我對腳差啲就跪底咗凍到無晒知覺，但係我知若然我而家先嚟放棄唔排隊唔玩，將來一定會變遺憾非常後悔！ 慈急総合病院 - 絶凶・戦慄迷宮，要開始喇！！ 最終足足等咗係3h45m，係3h45m！比原定時間仲多咗15分鐘，富士急樂園裡面嘅遊戲設施係有關閉時限，由4點開始已經截人龍關閉咗六個，5點鐘又會關閉多六個，望一望錶，同樣已經係3點40分左右，全長係45分鐘，意味住我哋如果成功玩完45分鐘出返嚟，都已經大概4點半了，好彩無買到Fast Pass，唔係真係蝕到入肉！ 慈急総合病院 - 絶凶・戦慄迷宮 [探靈全過程絕密公開] -------------------------------------------------------- -------------------------------------------------------- -------------------------------------------------------- 是咁的，踏入醫院門口，眼前係一個非常陰暗嘅候診室大堂， 著住醫生袍嘅大姑，會安置大概三組人包括我倆合共20餘人領進去座低！ 眼前一大部LCD電視，強迫候診病人嘅我們，齊齊排排坐睇慈急総合病院鬼屋Trailers， 片頭是一個好pure好true嘅日本妹誤闖慈急総合病院， 發現醫院所有(人?)都變奇怪。。。。。嘩！！ 隔離一班四個已經尖叫起嚟嘅日本妹仲嚇鬼！出發！ -------------------------------------------------------- First Stop: 首先肥醫生逐組逐組帶入去棄置手術室，手術檯會變咗一張舊式影相館嘅長櫈， 肥醫生話而家先要幫我哋拍一張X光片～突然就成個手術室砰啪一聲一吓強閃光。。。 喔。。。 我們的絕望Ｘ光片就此誕生喏。。。(呆) 然後嘛，肥醫生就會響旁邊趟開咗道趟門嘶一聲， 裡頭係一片寧靜而陰暗嘅紅光長走廊。。。 呢個時候肥醫生叫我哋入去啦。。。然後比咗個電筒仔我哋。。。 我認我由入候診室開始已經超笠水。。。。心諗有啲遺憾其實都未嘗唔係一件好事！ 唔駛太執著嘅。。。但所有冀望就響肥醫生嘶一聲完全關上門嘅剎那完全幻滅。 內部圖片都係網上抓回來。。。 大爺負責拎電筒我就尾隨。。。 我發覺我錯了。。。 唔係錯在入咗嚟，而係錯在帶錯人入嚟。。。 我唔應該將呢個比醫院瘋人更瘋嘅顛人響身邊。。。 大爺一踏入醫院似乎High得濟失咗控已經頭也不回四圍跑。。。 重點係拎埋個電筒四圍搵鬼出嚟想嚇返轉頭，我要跑腿咁不停追住佢電筒燈走唔係就要摸黑行， 前後左右四方八面又唔知幾時會跑啲咩出嚟。。我就好似追住雷射筆嘅短腿貓咁不停追住電筒燈踩。。。 大爺就將個電筒左照右射360度照勻晒每間房每個角落先心熄。。。跑得快過佢排佢頭仲衰！！ 行行下會連電筒燈都無埋，突然變相我摸黑向前衝！搞到瞪時又要折返跑轉頭走回頭路， 就係因為大爺停低咗都唔講聲，見佢連人哋樓梯底都要照埋、清潔車都要照齊四個轆先心熄。。。 最終嬲嬲地我搶咗個電筒由佢自己睇個夠， 電筒歸我！！！！我剩係想快啲走！！(╬ﾟдﾟ)▄︻┻┳═一 好一條單程路。。。。都係網上抓回來。。。 行咗可能都有五至八分鐘。。。 樓梯上過兩層地牢落過幾次解剖室都穿過埋。。。加埋內部又真係充斥住真實醫院嘅消毒藥水味， 無疑內部仿廢棄猛鬼醫院設計非常成功， 之但係。。。。。。 -------------------------------------------------------- 我十分鐘都未見過有一隻鬼出嚟，最恐佈嗰隻四眼鬼已經一直吊住我尾追住我嚟嚇—＿＿—|| -------------------------------------------------------- 到中期我已經有點自我放棄，開始跟住四眼鬼響醫院亂跑。。。 邊度有門就嘗試開唔開到，膠條封咗嘅都想偷雞走入去，有疑似鬼隻就跑埋去篤吓真定假。。。 終於。。。。 我見到第一隻化咗血腥咒怨妝嘅護士姐姐，海棠春睡響水吧上面忸忸怩怩對住我哋裂咀而笑， 不過佢完全無落過地，因為就只得佢身後唯一一條走廊離開房間！ -------------------------------------------------------- 我哋同俏護士對峙咗幾秒鐘，我瞪時係汗顏。。。點先，你唔好埋嚟，我嗌架。 當然，大爺都係個男人，見到俏護士即刻唔理三七廿一衝上去超興奮，我唯有都硬住頭皮衝埋一份。。。 點知俏護士即刻跳咗落地迫我埋牆角 Σ(;ﾟдﾟ)， 我終於講咗旅程中第一句日文【Sumimasen 對唔住呀(;´༎ຶД༎ຶ`)！！！】， 俏護士依然對我露出猙獰嘅笑容愈行愈近、愈近就愈慢 (΄◞ิ౪◟ิ‵)， -------------------------------------------------------- -------------------------------------------------------- 可能大爺唔甘心俏護士忽視咗佢，即刻拉住我好興奮咁大嗌快啲走(✪ω✪)， 我回頭望俏護士依然好陰濕笑住企響角落盯住我。。。 突然就加速衝埋嚟，我瞪時腿軟頭也不回走夾唔抖｡ﾟヽ(ﾟ´Д`)ﾉﾟ｡ 過咗之後，唔知係咪制已跳，我有點恍神狀態呆呆的。。。 見到轉彎處突然有個指示牌多國語言寫住請放低電筒， 而眼前係一片漆黑，完全伸手不見五指嘅前方，我居然二話不說真係丟咗個電筒， 嘿。。嘿嘿。。。大爺終於都有少少。。。 【咁黑點行入去仆親撞親點算？點解要丟咗去？】 嘿。。嘿。。嘿。。君子報仇十年未晚థ౪థ -------------------------------------------------------- 最終一直都係無再遇上鬼。。。 直至行到最後方一間好大樓底好高，似乎係模擬停屍間嘅房， 入到去兩邊各自並列咗四架停屍車蓋晒毛巾， 當行過第一排時，第一排兩隻喪屍就已經齊齊跳落停屍車we嘩鬼叫全力衝刺跑向我倆， 我只係企定定望住佢地側側頭好疑惑， 然後大爺再次好亢奮咁拉住我叫我快啲跑啦跑啦快啲跑啦～佢哋似乎想我哋跑出去(✪ω✪)！ 就係咁我就跟住大爺跑，兩隻鬼又真係繼續不停追～ 但係我一直回頭望住咁跑笑到停唔到口XDDD， 一直追住同我一直對望嗰隻喪屍，見我笑唔停口佢都笑埋一份繼續追住我跑， 突然件事變得咁浪漫(｡•ㅅ•｡)♡？？？(沙灘場景亂入) -------------------------------------------------------- 玩完啦？？無啦？？原來先前排隊見人人跑出嚟嗰度就係終點！仲係迫人跑出來，完咗啦？？？？45分鐘咁快過？先前排隊又唔見得咁快？望一望錶，What！！15分鐘？？？說好的45分鐘呢？？怎麼搞！！15分鐘裡面我先見得3隻鬼，仲要其中2隻共處一室！夠鐘食晚飯啦咩？？？點解點解？？離開鬼屋後拎返份X光片。。。真的好絕望啊。。 二姐怪我買呢對Pink 9比佢嘅原意。。。 除咗X光片，我仲買咗對Pink 9比二家姐～佢一定笑爆咀～～佢最鍾意呢啲奇奇怪怪跳線嘢～唔知佢會點食對9呢(灬ºωº灬) 富士急摩天輛七彩顏色架～ 時間剛好4點05分最尷尷時間，部分機動遊戲都已經截止排隊，我哋就隨意閒逛富士急樂園睇吓買吓手信，都已經夠鐘又要準備630返旅館準時開飯，如果唔係有飯局就或者可以玩多一兩個啦。。。不過，企咗大半日其實都已經無晒energy好疲倦，漫步吓睇吓人玩都唔錯吖～ 富士急樂園後門停車場 疑似Mickey Mouse園藝手作？ 最後一食，聽日就離開日本了要，刺身尚算不錯吧 最後一食，聽日就離開日本了要，海鮮鍋噃 天婦羅一人一隻，蝦、菇、瓜、蟹捧 明明錢都未比，點解伙食會咁差。。。都唔可以話差嘅。。。都好味，不過似乎唔值呢個價囉。。。伙食貴過秀峰閣，但食材卻。。。。果然，這一家，可一不可再，聽日就要離開日本，希望早餐好少少都好啦。。。。
