顯然的是腿太粗短緣固疊唔起 一_一 食飽飽出露台最後一浸～今日日本天氣晴～最適宜外出晒晒太陽踩踩水，由於想貫徹造訪自然紀念物嘅旅行宗旨，咁又點少得佢哋？下一站......【富岳風穴 鳴沢氷穴】......The Next Station is...... Fugaku Fuketsu Wind Cave & Narusawa Hyoketsu Ice Cave。 夢殿(Onsenji Yumedono) 夢殿(Onsenji Yumedono) 未出發興奮咗先！今日轉第二間溫泉旅館所以轉移咗行李先，夢殿(Onsenji Yumedono)個名聽落雖然係姣咗少少，不過一落車見到呢個門面，唔差得去邊掛？話晒都全館只得六間客房兼具私人溫泉而唔係浸滾水噃～非常期待今晚回旅館見證嘅一刻！ 已經被枯草淹沒嘅洞口 富岳風穴嘅站前手信館 到富岳風穴站落巴士就啱嘞～左手邊個小食亭主要賣雪糕！味道仲有玉米味揀，又或者玉米溝香草！本來就決定非食不可點都要試試！無奈財政大臣又歸隱林邊要練功，我搵得嚟佢返到嚟，我對玉米雪糕嘅好奇心已經磨滅得一乾二淨，唔想食(反白眼) 循著指示牌出發去富岳風穴入口，穴前售票處門口坐住一個男人喺度，唔知佢手上追緊韓劇定日劇，問咩講咩都唔理、唔聽、唔答、唔問，一直默默完成對我哋嘅指令工作，買票、按遊客特價飛、戴帽，後會無期，連問佢戴帽用意，都只係別開臉指住塊公仔牌，一邊已經急不及待煲緊劇。。。唯有自己玩猜猜畫畫啦～ 富岳風穴內部圖 富岳風穴入口 富岳風穴入口處樓梯 一行埋風穴口，嘩。。。富岳風穴入口處條樓梯已經傾斜成咁，仲要又濕又滑又結冰，之餘，要行蟹步落，得旁邊一竹搭一竹鎚出來搖搖貢嘅竹扶手借一借力，都唔好話唔驚，唔覺意一跣就真係痾拔甩蕉，【青木原自殺勝地】呢個名銜就實在當之無愧，連地底都滿是屍骸。 富岳風穴流水都結冰 用途似乎用作保持洞穴內溫度 成個富岳風穴嘅重心就係呢條冰柱 風穴溶岩池頂嘅碎冰 發光苔蘚群生地，生長在岩壁上會發出綠色光芒 風穴最裡面最寶貴嘅蠶繭種子貯藏庫 由入去風穴探險開始到出返洞穴嘅剎那，我以為自己同大爺角色轉換咗玩緊Mario Bros過緊地下水道關卡，真係不得不問一句，阿大爺係咪戴咗頂帽，就當咗自己真係Mario定Luigi ，入到去不停用頭頂撞石頭，撞呀撞，係又撞唔係又撞都頂中空寶，入到風穴最裡面最寶貴嘅蠶繭種子貯藏庫時候， 大爺突然又砰一聲超大聲撞上貯藏庫個棚架嘅簷縫頂，又果然真係比Mario捷撞塌咗簷縫頂一堆碎冰落嚟，嚇到我同另外兩個遊客一大跳有無見暈？我救咗公主出風穴之後。。。公主仲要同我炫耀甩咗粒碎冰寶物響外套袋。。。 終於都踏上不歸路，有去無回頭嘅青木ヶ原樹海 下一站...青木ヶ原樹海.... The Next Station Aokigahara-jukai：旅遊書介紹呢個青木ヶ原樹海係日本有名嘅自殺勝地，因為交通方便而且又高度隱密，所以好多日本人會選擇嚟呢度輕生。。。人人罵我太瘋顛，我笑大家看不穿，其實入去之前，我哋對青木ヶ原樹海嘅資訊甚至有關【自殺聖地】嘅傳聞係，半點概念也沒有=] 其實我哋只係路經想去睇鳴澤冰穴喳，上面寫行20分鐘喳嘛！ 第一日嘅Blog我就有講，路在人口就係我倆嘅旅行作風，去唔到就唔去，所以出發前就連資料同書都無刨過，我只係知道青木ヶ原樹海好大，聽講入去如果無導賞團好易迷路，再者，其實我哋只係諗住路過，去我哋下一站想要去睇嘅， 鳴澤冰穴喳，上面寫到明行20分鐘喳嘛！兩小口又想試試響日本行下散下步體驗吓優哉悠哉嘅滋味，就因為一個冒失先踏上呢個【神秘之旅】...Action——— 青木ヶ原內裡眼前就係呢一片樹海 2012年嘅舊蘋果籽：【自殺之森】內腐屍掛樹、骸骨遍地的駭人情景新聞。當年有逾30,000人自殺，平均每日吊死85人，而自殺之森就掛着一具具吊屍骸。無興趣唔好睇=] http://hk.apple.nextmedia.com/inter⋯⋯ 好彩我哋乖乖地跟指示無亂走無好奇跨過封鎖區封條～原來我哋行嗰段自然徑路，已經執乾淨晒條路，掉晒好多遊客唔見好過見嘅雜物！ 青木ヶ原逃脫.Flash 《青木ヶ原逃脫》是一次真實密林逃脫小游戲，游戲中我們被困在一個不見天日的樹海裡， 而樹林地底下蘊藏豐富磁鐵礦，會使指南針失靈手機失去訊號，趕緊入黑前尋找道路逃離這裡吧！手持工具：一支同事搭買嘅威士忌、一包Jagabee薯條及旅館附送Nuts。 完全古木參天嘅森林 坦白講，第一步踏入森林入面係唔舒服嘅，可能環境實在太幽靜，明明太陽最猛烈嘅一兩點左右時間，同今朝我哋晒日光一樣咁猛太陽噃！但抬頭卻每每都不見天日，而且不停夾雜住烏鴉叫聲鴉鴉鴉，想點嘖！但誤以為最多咪行３０分鐘左右，而且明顯眼前一大條康莊大道有晒指引有咩好怕，地圖所示都係得一條單程路直去喳噃，所以就頭皮癢癢的走入去嘞！ 大既前中段景況，前景似乎開始每況愈下。。。 一如資料所示，一踏入青木原已經完全失聯，手提瞬間已經網絡中斷，行嘅每一步都好似原地踏步咁，行嚟行去都差唔多，而且原先既單一大條康莊大道愈收愈窄並且巔跛不平好多石同冰，我好幾次回頭望諗過如果唔對路不如返轉頭，但望返轉頭又同眼前一樣剩係得一片樹海，就好似從來無行過咁，如果返轉頭，會有行錯分岔路之嫌。大家都由一開始嘅喋喋不休逐漸提高咗警覺靜悄悄咗，開始有少少質疑走過嘅路其實啱唔啱有無忽略咗，縱使行到逐漸有倦意依然繼續行，怕真係會耽誤咗時間。 結冰嘅路愈來愈多而且範圍愈來愈廣，仲係行人必經之路 愈行愈入，愈入愈要行，愈行愈慢就愈陰涼，因為當日天氣都微涼要靠太陽先暖，但樹海入面根本擋晒所有陽光抬頭得樹影之餘，結冰嘅路愈來愈多而且範圍愈來愈廣，仲係必經之道非踩不可，愈行愈多冰路，有一Part我用蟹步都行唔過嘅冰路，我腳上只是一對converse！因為3月正值溶雪時間濕滑非常，終於一下鬼掹腳我跣咗落地PatPat落先，大爺自身難保找平衡點響冰地上，如果扶我可能佢都撻埋一份滑出樹海坑。 3月正值溶雪時間濕滑非常，要找平衡點都非常困難 大爺戰戰競競都蟹住過嚟笑我大冬瓜！一邊嘗試扶唔扶得起我XDD，連我自己都不停爆笑～仲發覺其實跣落去好似仲快，因為係雪地而且係斜坡，我建議不如齊齊跣住落安全又可靠，當然大爺為顧面子睬我都傻～姑且仲抽得起我，就拿臨夾我繼續行了=p反而呢一跌令氣氛緩和咗變輕鬆起嚟！因為我都唔止跌一次而係三四五次XDDDD 只係頭一跌，隻手已經撻到瘀咗，實情可能比鬼搣～ 大家跌跌踫踫似乎慢慢習慣(扶我=])，瞪時已經平常心看待悠然漫步～ 仲開始講起完全唔係適當時候講嘅爛Gag～XDD 【前面仲咁多冰路，會唔會行唔返出去架(´_ゝ`)】 【已經無得返轉頭局住繼續行架啦，前面回頭路幾條結冰斜路，一定爬唔返上去架啦 ┐(´д`)┌】 【如果行到夜晚，我哋千其要座低唔好再行，等聽朝有陽光先好行！如果凍唔死嘅話！(ﾟд⊙)】 【唔怕～我個袋有支威士忌可以飲咗去保暖～♥(´∀` )人】 【咁我個袋都有兩包小食！酒都無咪舐雪水，反正周地都係雪(ง๑ •̀_•́)ง】 【咁夠頂三四日架啦應該(✪ω✪)】 【我睇過man vs wild仲話低溫如果用刀仔界一刀可以行氣活血暫時吊命(｡ŏ_ŏ)】 【又頂到多幾粒鐘啦咁就(ﾟ3ﾟ)～♪】 鳴澤冰穴(Narusawa Hyoketsu Ice Cave) 又行多10分鐘左右，終於終點在望～終於見到路牌指向冰穴入口嘞！行咗幾耐已經無去深究亦都唔想知了～不過體力係透支得蠻快非常疲累！印象中行埋呢１５分鐘冰穴，已經５點幾左右等巴士尾班車返去旅館等開飯嚕～雖然今次青木ヶ原神秘之旅有驚有險，不過。。。我又好慶幸曾經走過呢條路～對我而言有另一番深刻體會同意義♥ 呢張手繪４Ｄ冰穴內剖圖真係我見過最仔細最難忘，好靚！ 又要戴頭盔～仲要換Ｂｏｏｔ添！ 又琢又長又濕滑樓梯，我連滑冰都滑過囉，仲駛驚落冰穴 鳴澤冰穴——地獄穴 非常牙煙咁行完條又濕又長嘅冰石梯好彩跣唔低之後，第一眼見到嘅就係呢個疑似咀咒的牌，一失足就返唔到轉頭非常危險嘅地獄穴。。。唔知個洞下面有無留低，行冰穴長梯失足跣咗落去嘅人。 鳴澤冰穴——溶岩隧道 鳴澤冰穴——冰柱 鳴澤冰穴——腳底下嘅萬年冰～倆小口到此一踩～ 慳多一站巴士錢～手拖手漫步到巴士站去離開青木ヶ原了～ 還有漫漫長未知嘅路要走～又係時候漫步回家去～返到旅館要浸個熱呼呼嘅溫泉再食餐豐盛晚餐先叫不枉此行架嘛！！ 夢殿(Onsenji Yumedono)走廊 夢殿(Onsenji Yumedono)——安排入住萌黃客房～又係最尾房～ 原來係用電暖氈烘住檯下面～非常非常溫暖～ 感覺上有點令人毛管恫嘅紅色油紙傘 返到夢殿(Onsenji Yumedono)溫泉旅館，有小失望嘅，可能住完秀峰閣所以覺得太細，而且唔係理想入住到嘅和風房而係西式床，而且職員面口比較木訥無表情語調冷冷的，但英文都非常之不錯！推斷呢間旅館主要接待的大比數只是外國人，因為連晚飯也非常西化絕對為迎合西方人口味而製作出來。份量亦非常少，算是剛好足夠不餓不飽吧。 一人頭盤 挺吸引的刺身，是二人份量放在一起罷了 住兩晚以嚟，唯一最好味最豐盛嘅一道菜！ 食完呢餐靜靜泡住熱茶慢慢喝～開住電視睇日本綜藝節目笑一餐～兩腳往電暖窩裡熱烘烘住不願放出手腳來～唔怪得睇漫畫見蠟筆小新咁鍾意匿響電暖窩裡面～真係超舒服好暖好暖～完全唔捨得走出嚟～ 漫天星星真係好誇張～好靚～最衰唔識睇星座～ 漫天星星真係好誇張～好靚～最衰唔識睇星座～ 漫步河口湖街道上♫ 快餐店後面嘅便利店 漫天星星真係好誇張～好靚～最衰唔識睇星座～咁就串連到咁多粒係咩星座～食飽飯緊係要出去散吓步逛吓超市同便利店～睇吓 Haagen-Dazs有無又新出咗啲咩新限定口味～最緊要都係要買支梅酒一路浸溫泉一路呷幾口先叫渡假嘛～ 新出呢隻限定雪糕批超好食！！好正呀！！ Haagen-Dazs新口味就無嘞，不過逛逛吓偶遇呢個牌子嘅雪糕批！係香港已經好鍾意走去買呢隻牌子Bourbon嘅朱古力蛋卷食～居然出埋雪糕批！我連續兩日食咗兩支添～ 咩叫做享受～我倆定義就如下～咁囉～ 飲杯～～～Cheers！！寒天飲冰酒～透心涼囉！
