起身打開個Mon一睇，負三度，嘩。。。不過絕對無損二人雅興，準備出發＜忍野八海＞睇富士山溶出嚟嘅雪水湖！小妹畫緊眼耳口鼻期間，大爺苦行僧模式再次啟動，負三度依然堅持跑出露台煉仙修煉養氣，突然間佢急急腳衝入嚟(唇膏畫出界)同我講外面好似落雪，我第一個反應”佢係咪抽錯咗大麻...(汗)” 只溶響地唔溶響手～一粒粒頭皮。。粉雪先啱=] 係意外嘅對我倆未見過雪嘅土炮而言～一抬頭就見到一堆好疏落嘅粉末橫飛，好抱歉我依然存疑係咪飛蚊症啊。。。 直至大爺輕輕執上手形容係冰粒狀叫我篤吓，我先肯定真係雪，瞪時興奮到顛咗大吵大嚷通屋跑要大爺抓停下來～ (੭ु´ ᐜ `)੭ु⁾⁾ 早餐都豐富成咁～後面仲有煲飯同蟹湯飲XD 分秒必爭嘅巴士售票機。。。 汲取昨天巴士滿座經歷怕怕了，搭巴士去到河口站第一時間買定回程巴士票，真係險過剃頭，兩個唔識睇日文，改用英文版本嘅話即刻連車站名都變晒英文譯音，我哋討論緊三選一時間之際，車票千鈞一發顯示<Sold Out Σ(ﾟдﾟ)>，即刻拿拿臨二話不說，時間啱即刻撳制比錢Don’t say other... 富士山站＠富士湖號 坐富士急行線搭到去富士山站，再買巴士票轉乘富士湖號跑去忍野八海，難題又嚟嘞！究竟去忍野八海應該響【忍野入口站】、【忍野溫泉入口站】定【大橋忍野八海站】站落車？結果係爆冷【土橋】站落。。。日本這地方真的足以把人們的自信逐一磨滅崩壞 •_ゝ• 晒日光的貓保安ε٩(๑> ₃ <)۶з 晒日光的貓保安ε٩(๑> ₃ <)۶з 謀殺咗唔少菲林嘅貓群們，起初只係一座平平無奇嘅保安亭裡面，緊守崗位嘅貓保安，係我八八卦卦望入去發現到，立即不停對住保安亭大喊卡哇Ｅ———路人甲乙丙誤以為瘋婦橫行紛紛投以蔑視眼神期間，同樣發現原來係四隻貓保安，都瞪時卻步齊齊影埋一份鬥喊卡哇Ｅ呢，貓保安們馬上怨恨嘅眼神把我目送離開XDD 速逃——— 忍野八海之＿＿湧池* 湧池 由來： 在很久以前富士山爆發，當地居民在熾熱的環境下四處尋求水源用於解渴及救火，這時，天上傳來【木花開耶姫命】的聲音：「相信我。要是你們永遠的尊敬我，我將賜於你們水」。不久，水由熔岩之間湧出，成為了池子。人們則稱這池子為「湧池」，將湧池的水用於飲水以及和灌溉直到今日。 喱！呢埋都係富士山被融化嘅雪水，再經過過濾而成 有書曾經介紹過，話忍野八海裡面嘅八個池塘被選為名水百選，亦係天然百景之一！所以先吸引到我哋即使要冒住低溫都堅持要坐車入嚟見識見識！然而上面呢幅富士山雪水相片，後面係比錢買個水樽自己裝嚟飲，飲咗可以強身健體咁話。 中間寧寧舍舍跑出條藍色魚！ 單睇堆魚群，有咩咁特別？藍色魚囉係咪？！咁就非全然嘅～個湖最惹人注目嘅因由係，原來＜崖上的波兒＞係取材自。。。。呢條魚！即係咩魚？ 絕對驚嚇嘅人面魚 絕對驚嚇嘅人面魚，成個湖裡面咁多條十足錦鯉咁大嘅大魚，通通都係呢條人面魚，包括以上圖片大家見嘅四條黃魚藍魚，我腦海瞪時刷過非常驚嚇嘅火車頭Thomas，及會嚇壞寶寶嘅天線得得B，不嬲都覺得波兒半點也不討好並且非常驚嚇，而家仲要實體化。。。小妹手上係拎住部手提追住堆人面魚影，可惜呢堆魚游得實在太快又太低影唔到個衰樣，不過另一方面小妹又唔係好期待睇見呢條人面魚正面時嗰一下視覺衝擊。。。好矛盾(｡ŏ_ŏ)(눈‸눈) 【(♬Tinkywinky (Tinkywinky)♪Dipsy (Dipsy) ♬♪Laalaa (Laalaa)♪Po(Po)♪Teletubbies♬(Teletubbies) ♪ Say, Hello (Eh-oh)】 自此天線得得B首主題曲不停響我腦袋無限Loop———— 第一次見白色嘅士多啤梨～ 遊湖期間路經一間準備中嘅小士多～老闆兩公婆忙著搬出搬入，居然發現白色嘅士多啤梨我都係第一次見～所有生果都係以有機種植自居嘅，每盒價錢都成千幾円起，等同HKD 150餘多唔可以亂嚟，見旁邊有一兜兜細嘅價錢平一半有多，決定買嚟試吓邊隻好食先買邊隻～ 白色最清甜～逐少逐少滲莓香出嚟～ 試食結果白色最清甜～粉紅莓係微甜帶香～紅色嗰粒當然最濃香啦～不過兩個始終偏向淡香多～鍾意佢逐少逐少滲出莓香來，一種淡淡然嘅味覺享受～就揀你啦！ 忍野八海＿＿*銚子池 銚子池 由來： 古早以前，一名新娘在莊嚴榮重的婚禮中放了屁，因為聲音太大，讓到場的嘉賓都聽到，使新娘深深的感覺羞愧，待不下去，一找到機會便抱著銚子(倒酒用的酒壺，用於神道式婚禮)溜出會場，身投銚子池。日後，新娘穿的鞋子浮出水面，時常可以在池底看到猶如活著的美麗的新娘。這樣的傳說使得銚子池成為可以善結姻緣的池子。 左起：藍玫瑰＋香草 右邊：黑糖信玄餅新地 河口湖自然生活館 回程途中，響河口湖站食住雪糕等巴士入【河口湖自然生活館】～道聽途說呢度係影富士山全貌最好嘅拍攝點～可惜一落車已經凍到手腳冰冷吋步難行，拍攝點亦唔見得比我哋響溫泉旅館所影嘅好，見路牌指示生活館後面仲有花園睇，點知四圍都剩係得返一隻唔記得叫咩藍楠花，仲要係全然枯死埋。。。。 溫暖的家～～～Lalala~ 終於返到溫泉旅館～因為要趕起６點半前返到嚟開飯～所以６點返到嚟拿臨浸埋溫泉～熱呼呼的準時跑出嚟等開餐～今晚都係食蟹肉！個餐前酒相比琴晚杯梅酒非常遜色。。不過都係好味嘅～聽日就要轉旅館，今晚一定要浸到甩皮睇飽個景去ＸＤ 秀峰閣最後一晚～會有第二次機會的！
