礪波鬱金香公園(チューリップ四季彩館) 變種混種粉紅鬱金香 平成28年11月12日 土曜日 和倉温泉 大観荘 > チューリップ四季彩館 今日睇花~~鬱金香花~~ 鬱金香花語係：神聖、幸福與勝利。 而唔同顏色既鬱金香~原來又另有別的花語意思~ 比如: 紅色鬱金香——表示我愛你 ～ 紫色鬱金香——表示忠貞的愛～ 黃色鬱金香——表示沒有希望的愛、無望的戀情～ 白色鬱金香——表示失戀、失去的愛， 粉鬱金香——美人、熱愛、愛惜、友誼、幸福， 繫我心者，還是粉鬱金香也。 鬱金香味雪糕 嘆埋杯鬱金香味雪糕~ 又到時候出發去下一個景點喏~~ 鬱金香味係點?! 嗯....得個香字....味道都係似普通牛奶雪糕 庄川峡遊覧船 乘船區 チューリップ四季彩館 > 庄川峡遊覧船 食完雪糕出發登船去， 今日星期六啲日本遊客多到... 所以船公司專登另外開隻船， For我哋呢班土包子團友~ 十成十都係一上船就會嘈喧巴閉。 庄川峡遊覧船 庄川峡遊覧船 船上 歷時大概30分鐘，雖然兩岸景色不相伯仲， 同樣都係漫山未盛開嘅紅葉， 不過陣陣秋風迎面送來既感覺~ 真係心曠神怡之感~陽光又唔太猛又放晴~ 全程30分鐘每個角度團友們都鍊到盡， 唔放過每一個細節位~ 我倆拍咗一陣子風景照~都已經放低手機~ 決定靜靜欣賞呢片湖光山色， 企足30分鐘都唔覺半點厭倦~ 富山市民俗民芸村 庄川峡遊覧船 > 富山市民俗民芸村 位於富山縣吳羽丘陵地帶， 同樣係當地人賞紅葉嘅秘所~ 裡面係有個日本庭園挺古色古香嘅~ 佢實情都真係茶屋嚟! 不過無團友入去玩下茶道~ 人人都只係外觀拍照就算了~ 其中有個陶藝館我挺有興趣， 不過要付費之餘，自問唔係有研究， 就無謂入去白看而看不明白， 浪費陶藝家一番心血~ 富山市民俗民芸村 茶屋外圍 閒逛在民芸村裡面， 久唔久就會發現沿途一地嘅墓碑， 行到500羅漢景點， 更加係幾百個響山頭掛起彩帶， 又夾雜數十個觀音碑， 係一個景點嚟嘅事實上地圖都有寫明， 不過真係興趣不大， 中國人始終都係比較避忌呢回事有點凝重， 逗留一會兒已經打道回府，返去旅遊巴等集合時間喏。 環水公園 富山市民俗民芸村 > 富山環水公園 呢個環水公園最出名嘅居然係STARBUCKS， 一間被譽為「世上最美星巴克」之一， 去到呢個地方先發現，根本係喧賓奪主之嫌， 完全係環水公園四季嘅美絕景色， 帶起咗岸邊嘅呢間STARBUCKS， 實情原來真係並非建築物嘅本體取勝， 而係周遭優美嘅環境， 令到呢間位在環水公園嘅STARBUCKS成名， 呢間STARBUCKS只係全店用晒落地玻璃窗， 外圍放一整排凳橫列比你任座， 或者拎住杯咖啡沿住公園漫步。 環水公園 環水公園的紅葉樹下 最終小妹並無手持STARBUCKS， 只係選擇靜靜地座響紅葉樹下面， 欣賞呢個環水公園~ 湊巧隔離有個肥嘟嘟好趣致2歲左右嘅肥B女~ 充作佢媽媽嘅Model任影唔識嬲， 比佢大1至2歲嘅家姐， 從後當佢公仔咁舞嚟舞去搓圓撳扁， 瞪時鈎起我那些年嘅感受... 想當年我兩個家姐同樣成日響公園， 將我搓圓撳扁後放置一旁棄嬰似的。 名城公園 名城公園 富山環水公園 > 名城公園 眨下眼已經第三日~行程Hea得嚟尚算充實~ 只係每朝Morning Call太早有點累~ 呢度係名古屋城內部公園， 即係第一晚瞓嗰間詭異酒店， 對岸發晒青光呢棟名古屋城呢~ 近睇都好好多嘅~ 不過同樣都係周邊嘅環境， 名古屋城嘅護城河岸最吸引~ 懷石料理，呢個只係頭盤 名城公園 > 富山第一酒店 今晚食懷石料理! 去咗一間靚酒店天台樓層食! 已經有蕎麥麵、有冷烏冬、都仲要比多碗飯... 富山車站 飲飽食醉一定要行下逛下街血拼一下先舒筋活骼呀嘛 ， 都係入去掃吓藥妝類!反而今次旅程Touchwood真係執藥為首， 食物都其次，逛完四人漫步富山街頭都無迷路~ 仲有時間又搵OK便利店又掃零食啤酒雪糕添 。
