那朝清晨 我坐上馬鞍山開往機場的轎車 丙申年農曆六月十一 晴時忽然好大雨 晨雞咁早一行四人上左顏生架靚車出發機場去~明明風和日麗， 突然之間居然滂沱大雨落唔停，明明呢幾日每日都熱到小妹有感旱災將至， 麗兒閒談中提起先發覺,我哋四個又真係次次出親門都會即刻橫風橫雨， 呢D可能就係所謂既，貴人出門招風雨，喇=] 香港國際機場 一落飛機第一時間去機場間臺灣銀行卸我嗰一萬台灣銀，重到呢...好彩兩位男士有風度， 各自幫我同麗兒每人袋拎四千，拖Gip六千先頂得順喳， 咁去到臺銀Counter我揚言要銀換返紙幣時，哥哥都面露難色咁盯了小妹一下(羞) 就拿拿臨低頭默默幫哥哥拆袋推銀執釘書釘，而麗兒手頭上即刻都揚起一千元港紙咁大把， 哥哥先和顏悅色返少少，不過前後見哥哥來來回回Counter同數銀機之間20次有多 真係好想問....哥哥點解唔一次過拎五袋五袋去數...咁咪可以走少18次....இдஇ Cama 現烘咖啡專門店(延平開封店) 一落咗國光大巴之後，就去左Cama打卡 幫麗兒愛姊買咖啡豆~順便大家又可以立即嘆返杯， 冰凍又香濃既咖啡~當我都想湊熱鬧既時候 突然有感一把謎之聲自香港千里傳音過來喝罵我， 我居然一剎那頭也不回拿臨收返起銀包.... 我真係窩囊... ・゜・(PД`q｡)・゜・ 新樂町精緻旅居(西門町及台北車站之間交界) 旅館比我預期中細，雖然我們女生房間 已經相比起兩位男士既房間已經大得多 但實情打開房門之後都要側身先入到房， 而男士房間更加只係剛剛容納兩張床而已 距離捷運站亦都唔算近，一來沿路上太多需要暴曬既燈位， 二來大街小巷穿來穿去兜兜轉轉， 價錢又唔算係好平好抵，非必要都唔會有Take Two。 看圖識字 放低行李之後，大夥兒齊齊去返Camma隔離食牛肉麵 印象中睇落就係我以往去開台北都會Must Eat既食府， 但一來我去親都夜晚摸黑靠零碎記憶撞路去， 二來，我次次都係住響台北車站附近幾間， 見西門町同台北車站咁近又響兩者之間 所以無心地呃左伙伴們入去...仲實牙實齒話一定係呢間.... 入咗去座低之後見到餐牌.....我錯了被裝潢騙進去了 !! 無賴 ・゜・(PД`q｡)・゜・ 湯底有牛肉味既牛肉麵，還可以的 大家好有心咁安慰我，同我講其實都唔錯丫~ 碗牛肉麵個湯底，食落都有牛肉味....(´;ω;`)ヾ(･∀･`) 而今日一整日為免太過舟車勞頓， 所以決定第一日就暫且附近地下街或者商場閒逛一下 順便又可以開始買下手信，之後都無回頭路返來嘛， 結果頭一日大家已經失守出血....” 紅櫻花食品(西門店) 就係呢間，一試就好似食咗丸仔咁不能自控，大夥兒浩浩蕩蕩就咁闖咗入去開單了 原來仲有其他卡通造型既鳳梨酥同太陽餅，包括Hello Kitty同蛋黃哥~ 其實只係貼咗蛋黃哥貼紙響上面......誠意不足 正當我準備落手之際，唔係噃， 佢唔係蛋黃哥造型，係蛋黃哥包裝貼紙喳噃， 貼幾個嘜頭就賣貴NT50，有點兒勉強噃...... 拮兩粒黑芝麻眼落面頭都好丫........ 愈諗愈唔對路，都係唔買喇....=[ 便所餐廳(西門町) - 馬桶咖哩雞 NT260 呢間便便餐廳，係台灣第一間興起，繼而帶起晒其他所有主題餐廳既表表者 但係我一直都無去過，點解?唔識去囉!!搵唔到囉!! 唔知係咪實在歷史太悠久既關係，無論造型擺設同食物，都已經大不如前同食評相差甚遠 器皿你話唔似又唔係....事實上又真係同屋企廁所用品息息相關一模一樣 我無發雞盲去錯廁所洗錯手，呢舊真係洗手台!!!唔睇過都唔信! 最深刻印象既係，廁所裡面既洗手盆，真係用真既馬桶一蹲並排而立於面盆櫃上面 洗手係需要用掛響馬桶旁邊，用黎洗廁所用既強力花灑做洗手皂然後開呢個水龍頭 我行出洗手間嗰剎那見到呢座咁既「洗手盆」，我係猶豫了十秒諗過唔洗手的， 小妹真係唔太接受到要用C坑水洗手既經歷....放隻手落去嗰剎那我好驚好緊張... 點解我凝住凝住覺得，個C坑好大機會係真.................................. (ﾟдﾟ≡ﾟдﾟ) 可選擇用尿壺做器皿杯，加多NT50可以拿走啊~ 可能都正正因為呢個原因，所以餐廳都唔敢做到太逼真，驚嚇怕一列食客吧? 未必人人接受程度都咁高，就連我呢D，一落單就指定要用尿壺上餐飲， 仲刻意點D茶色飲料玩味咁濃厚既人， 都居然抵唔住呢個C坑洗手盆，我就知，餐廳是對的=] 竟然連個隨餐附送既尿兜上的朱古力霜淇淋， 我一見到都瞪時面露難色，下!!點放得落口呀??? 我有嘗試理解個器皿其實係毛毛拖鞋造型，可惜失敗咗
