舊嘅攪拌機終於壞咗, 換咗部Kenwood多功能手提攪拌機, 我超鍾意Kenwood嘅小電器! 三百幾蚊可以煮好多唔同嘅嘢!! (之前介紹過Kenwood三文治機: goo.gl/mp87Dz) 手提攪拌機用嚟煮西湯, 意粉醬等等真係方便好多! 出街要飲到咁濃咁足料嘅忌廉蘑菇湯, 一般要去比較貴嘅餐廳, 宜家唔駛喇, 可以喺屋企煮到 :) 忌廉蘑菇濃湯 材料: 牛肝菌 幾片 幾款不同蘑菇 400克，洗淨切片 蒜頭 2粒，切片 洋蔥 半個，切碎 新鮮番茜 (parsley) 1把，略切 雞湯 670毫升 法式酸忌廉 (crème fraiche) 1湯匙 (或用其他忌廉 eg. cooking cream也可) 橄欖油 適量 海鹽 適量 黑胡椒 適量 做法: 先將牛肝菌放入滾水中浸泡一會，水僅僅蓋過牛肝菌就夠 燒熱湯鍋，加少許橄欖油, 然後加入蘑菇片，快速攪拌1分鐘, 然後加入蒜片、洋蔥、番茜和少量鹽及黑胡椒。大約1分鐘後，蘑菇開始出水，加入牛肝菌及浸牛肝菌的熱水 (注意不要底部的雜質) 繼續煮約20分鐘，或直到大部分水分蒸發 加入雞湯，煮滾後轉慢火再煮20分鐘 將煮好的蘑菇湯用攪拌機打至湯糊狀，加入忌廉拌勻，有需要的話再加鹽和黑胡椒調味便成 【忌廉蘑菇濃湯】Janice's Cookbook #KenwoodHK
