旅遊日子: 2013, 3月14日 - 3月18日 成員: 我同細仔(8歲) 住宿: 新宿京王酒店 - KEIO PLAZA HOTEL SHINJUKU 到此一遊點: 新宿,歌舞伎野,舞濱駅,東京迪士尼樂園,東京迪士尼海洋,東京駅,上野,台場 當地交通工具: LIMOUSINE BUS, JR-EAST, 東京METRO地鐵 今次行程,係2013年2月8日突然決定的,當日仲係年廿八,機位仲算可以,點知放完個年假番公司,隻超抵機位突然唔見哂, 好彩之前做定位, 隻機票真係超抵,二人同行,千幾蚊位大人,一大一小都有小童價,仲有得計飛行里數,超正^^ 至於酒店呢,出發前一個月做都得,而且LIKE佢有免費車接送去迪士尼,無論樂園定海洋,兩邊都有站停,帶住小朋友又唔想頻撲嘅我,超啱! 跟住當然要買天書啦,我雖然今次係第三次去日本,不過自由行都係第一次咋! 心情真係既興奮,又不安,因為我在網上搵料,周圍問人套料既時候,我印象最深刻既就係D人話新宿車站超恐怖,好易迷路. 所以我不敢掉以輕心,差D連個車站地圖都背到滾瓜爛熟 實情呢...... 只要識睇指示牌(全都是漢字的),知道自己要去邊,根本無可能會迷路,而且周圍都係人,路在口邊,問地鐵工作人員都得. 我只識兩句日文(一句是多謝,一句是再見),英文都係好屎,普通話一樣屎,都可以玩到,所以大家唔駛驚. 初頭我計劃玩4日3夜,仲要玩哂迪士尼樂園同海洋,好彩同事提一提醒我要安排時間行街街,否則只為左兩個樂園而其他地方都無去,實在太浪費了. 不過我改左5日4夜都係玩得唔夠喉,除非唔玩樂園啦,可能好D,而且細仔話下次去東京都唔需要再去樂園,寧願行街,8歲仔都鐘意SHOPPING,厲害! 因為得我一個女人仔帶住個仔去闖蕩,所以我選左大路D,又多野行既新宿做落腳地,而且KEIO PLAZA SHINJUKU 位置非常方便,喺地庫2層左轉直行一出,跟住右邊方向就係接駁住JR新宿駅通道,或者METRO地鐵西新宿駅. 我要非常強調,真係無可能蕩失路, D路牌指示非常清晰,除非......
