返工on shift，同事都可自己選擇拚出一個月最多4連休。12月，因為同朋友想避寒去有陽光與海灘既地方，見峇里loading 難得ok，要知道職員機票雖然一折，但要係航班仍有座位我地先可以去架! BEFORE TRIP。。 事前沒有太多準備，上網比較左幾個包車司機，最後我地選擇了司機Maday，大家去前可同佢email聯絡，email: madestours@yahoo.co.id 。佢會問你想去邊，跟住每日包車10小時咁收費! 其實我地每一日都超時，但maday都好好人沒有收額外費用，我地一行兩人佢都安排左一架十分舒適既7人車比我地! 因為一d不快經歷，maday話自己唔再做大陸客，大家send email 時記住同佢講聲come from hk 呀! 不建議大家坐的士，bali的士冇起錶，很多同事都因沒有租車，結果花了一大筆在交通費，仲比司機兜來兜去! 唱錢方面，有住係香港印尼朋友建議去銅鑼灣糖街，附近有大量印尼姐姐商鋪，兌換率比其他地方及峇里機場好! MY FAVOURITE FOOD。。 ---Naughty Nuris Warung-- Address: Jl. Raya Sangginan, Kedewatan, Ubud, Bali 位於Ubud 區，最出名係佢既spare ribs，d人會係門口放個燒烤架係你面前燒，我地點了一份ribs同sausage，好香，d肉仲好嫩同juicy，價錢都係幾十蚊，呢個價錢係香港絕對食唔倒! --Potato head beach club-- Address: Jln. Petitenget Seminyak, Bali 位於Seminyak區，一間好trendy既西式bar and restaurant，餐廳屬半開放式，下層中間有一大片草地，個Open bar 係正中間，另外旁邊有個 pool ，上面係餐廳位置，食物質素不錯但稍貴，不過音樂及氣氛一流，好適合情侶撐枱腳或者飲野relax :) OUTLETSsss。。 Bali周街都有outletsss...maday介紹左幾間比我地，最多野買同齊款應該係 PT BALI SURF OUTLET，買左roxy 泳衣同裙，價錢係香港既2,3折，之後去左HAVAIANAS OUTLET，買左十幾對拖鞋，起碼平香港一半! 買手信建議去 Krisna Oleh-Oleh Khas Bali，一間本地人都去掃貨既購物市場，千祈唔好去ubud market個d touristic 既market，價錢mark高一倍! SPA。。 Bali 最出名就係做spa，黎到當然不可不做啦! 我地都沒有做太多research，做了兩次，一間平一間貴，估唔到平個間竟然手勢好d! 5星級酒店個間sell gimmick 野多d，有多d packages 選擇 Tropicana beauty spa and salon Address: Jl. By Pass Ngurah Rai No. 7 Simpang Siur, Kuta Thalasso Bali Grand Mirage Resort & Thalasso Bali BEACH AND SUNSHINE。。 Pandawa secret beach bali 當地人好鐘意一家大細去玩既沙灘，不得不讚Sell沙灘椅服務既叔叔，佢地真係好好招呼，幫我地去點晒野食捧返黎比我地仲時不時問我地有咩需要，如果係香港曬太陽有咁既服務就好啦! Nuris Warung 海神廟
