潮州菜一向比人傳統的感覺，菜式好多時都會有呢個感覺 : "老是常出現"。不過就係"老是常出現"都依然咁多人去食就知道它的吸引力。

所以我今晚又去"潮"下。

位於北角的餐廳享盡地理，地鐵站出口一出就到。門外廚窗跟其他潮州老店一樣掛有各式滷味，但餐廳整潔得多。

除了常見的食物，亦都見到有新面孔。

焦糖流心蛋 $45
流心蛋同滷蛋就食得多，用焦糖制作的流心蛋卻從未吃過。夠創新，但和潮菜的感覺又不會格格不入。在蛋黃的上面鋪有一層焦糖，入口除了流心蛋滑溜的口感，還有焦糖的脆口和焦糖香，令整個感覺有點似甜品。

芝士蝦棗 $118
一卷長身的炸物放到枱上。先用餐廳提供既金屬碌將芝士蝦棗切開，夾起蝦棗會發現中間部分是"芝心"，有芝士流出。每一球蝦棗都好大件，在香脆的腐皮外層之下是啖啖蝦肉，蘸過泰式辣醬，更見惹味。

鮮甜黃油凍烏頭 $128
用上既烏頭都算幾大條，還看到魚身有黃油流出。開邊烏頭兩邊都好多魚肉，而且魚肉口感討好。而另一靈魂之一當然是惹味豆醬，更能突出魚的鮮味。凍烏頭和豆醬果然是相輔相成，缺一不可。

滷水鵝片腩肉飯 $74
見呢度既滷水出名，當然要試試呢度既滷水鵝片，揀左經濟又飽肚既滷水鵝片腩肉飯。這裡的滷水味不過分，味道甘醇沉厚，層次分明。滷水鵝片果然是招牌，冇骨，肉質嫩滑。腩肉既肥瘦得宜，層次豐富。

自己都幾喜歡食潮菜，對於潮州菜的新面孔的確有耳目一新的感覺，而且唔多餐廳可以做到突破傳統。要在眾多的潮式老店中突圍而出，新菜式可能就是催化劑。

太平飯店Tai Ping Kitchen

地址:北角渣華道124號地下D舖