快樂星期五去柴灣做野，收工同事們齊齊食飯，附近近近地有間酒家夠晒方便。 雖然是屋邨商場內的酒家，但地方寬敞，絕不擠迫。 有到過酒家晚飯都知道，酒家晚上的菜式多不勝數，有好多不同種類的食物和餐牌。 其中一張餐牌有別於平常見到，製作精美，寫上"夏天你好"。 原來這是餐廳7-9月的限定菜式，以水果做主題，望落都幾吸引，就叫左幾款食。 點擊圖片放大 +2 香芒貴妃三蝦球 $188 一個菜式用上三種蝦 : 波士頓龍蝦，海中蝦，櫻花蝦。以海中蝦配上香芒和櫻花蝦，融合芒果的香甜味和櫻花蝦的咸香，海中蝦爽口又彈牙。旁邊的波士頓龍蝦並非裝飾，除了兩隻大隻又多肉的龍蝦鉗，龍蝦頭都有好多羔。 香橙燒風鱔 $98 雖然叫風鱔，但賣相似足鰻魚。香橙醬汁另上而且豐富，可以按個人喜好加多加少。風鱔不似鰻魚般薄身，厚肉加上燒過，上面再放上橙皮絲，口感十足。清新的橙味又不會搶去風鱔味。 火龍果彩虹一口牛 $88 彩椒令一口牛顯得色彩豐富又吸引。火龍果同一口牛，一個腍；一個有嚼勁，兩者形成強烈對比，又能夠互補不足。 木藏牛肋條 $88 以木瓜配搭出菜式的確少見，當見到木瓜襯托出牛肋條還以為是道具，感覺好似牛肋條由木瓜倒出來一樣。淡淡的木瓜香絕不過份，秋葵令牛肋條添上一份清新感覺。牛肋條本身大條有多肉，師特意加上少許辣令牛肋條更見惹味。 陳皮圓肉燉雪梨 $28 比較少地方能吃到的中式糖水。大大個燉雪梨幾乎佔去絕大部分位置，而且散發著濃厚的陳皮香，入口舒服，非常滋潤。 雖然水果配中菜絕非新鮮事，但好多時水果未能充分配合菜式，結果貌合神離。這裡能使水果與中菜互相發揮，令菜式更吸引。 經過今天的水果餐，對水果菜式又認識多了。 水果你好！ 彩逸漁港 地址:柴灣興華邨一期興華商場104號舖
