自己真係好鬼like 吃奶黃月餅，但出面買的多數用麵粉整同精緻糖粉整，很少適合想減醣朋友仔，今次同大家分享整減醣低碳流心奶皇月餅🥮，熱辣辣出爐食了一個，幾好食，奶黃流心架，食得健康，人都開心啲同靚啲 ， 有興趣大家可以試吓整啦！奶黃同流心奶黃材料：1）咸蛋黃 三個 2）紹肇花雕酒 （玫瑰露酒又得)3）赤蘚糖醇 15g4）椰槳 60g5) Mozzarella Cheese 5g6）牛油 10-15g7）椰子粉 15g奶黃同流心奶黃做法：Part 1 - 流心奶黃1）咸蛋黃三個加紹興花雕洒塗在咸蛋黃上蒸熱，大約15 分鐘左右2）蒸好後，趁熱壓碎，加赤蘚糖醇同椰槳放入攪拌機攪勻至液體狀。3）取35 g 加 5g mozzarella Cheese 煮一煮，放凉後，分五份放入冰箱（每份大約6g），至少雪一小時。Part 2:奶黃4）餘下奶黃椰漿，加入牛油攪拌煮，加熱融化 加，椰子粉攪勻，分五份，每份大約15g ，放入冰箱雪10-15 分鐘。Part 3: 奶黃同流心奶黃餡5）將冰凍硬流心奶黃小球，包入奶黃餡，放入雪櫃雪至少半小時。餅皮材料：1)椰子粉 25g 2)杏仁粉25g 3)洋車前子殼粉5g 4)赤蘚糖醇 15g5)蛋黃 2 隻6)椰子油 15g7)水 50g餅皮做法：1）先將椰子粉，杏仁粉，洋車前子殼粉同赤蘚糖醇材料攪勻，備用。2）蛋黃，椰子油同水攪勻，再將1）搞好材料倒入，再攪勻成粉團，分五份，每份約29g。3）在雪櫃拿回已包好的奶黃餡料再包餅皮，再印印模，搞好後，放雪櫃雪一小時就可以焗。我的餅模是50g ，如果大家用大小小餅模，自己調節比例就可以。蛋液 （一隻雞蛋）用來掃月餅做法：1）先預熱氣炸鍋 180 度10 分鐘，放入氣炸鍋170 度5分鐘，取出輕輕掃蛋液，等10 分鐘，2）再放入氣炸鍋175 度3 分鐘，取出再輕輕掃蛋液，等3分鐘，3）最後氣炸180度2分鐘就可以出爐。如果第二日先食，可以放入氣炸鍋用140 度再焗4-5 分鐘就可以食翻一樣熱辣辣奶黃月餅，一樣照流心架 ！點擊圖片放大 +10
