Day 4 意在Firenze fine dinning 今日又係晨咁早起身....點解?今日早上係女人話事。The Mall !!!我就真係陪跑。 介紹番The Mall係Firenze附近的一個out let,名牌價錢約香港半價左右,所有女士為之狂! 點去? 有2個方法的 1)自己搭車去 好處:排隊排第1，因為你可以早過the mall專車去。不過效麻煩不建議,要塔火車到Rignano Sull'arno Reggello再轉巴士(巴士其實是7人van咁款)用google口感即時教到你幾點有車。 2)專車 好處:方便,一程過來回13歐 一落車d女人就跑!唔知以為睇緊澳運,各國女人誰令爭鋒!因為好多款其實得1,2個所以佢地要鬥快買到心頭好! 而我地...最唔中意同人迫,the mall 10點開門,我地自己搭車9點3就去到,仲可以慢慢飲個coffee, 食個牛角包再企第一(parda同Gucci最多人) 場內不可能拍攝喔～ The mall好大...不過約1點左右老婆其實都買完要買既手袋,搭番單程7歐轉車返去Firenze火車站。 The mall架巴士超有型 自己午餐自己煮!APARTMENT萬歲 只能說,今日全部都食好西!!! 買完野,回到apartment... 先把材料準備晒。 由於太多野要準備,所以去片啦！ 開餐啦 https://youtu.be/uQNKP1XF9sM 做海鮮湯煮PASTA https://youtu.be/X3Hj8Q9Igak 洗菜 https://youtu.be/uj8cbM5q3K8 材料 https://youtu.be/rhIfUCuwgwM唔睇片睇相都得! 睇下幾新鮮(雖然放左一晚) 頭盤:shell fish spring garden salad , 新鮮已經是比分的7成,2個字:鮮甜 去意大利記得去超市買Datterino pormodoro! 意大利車厘茄,食完包你會多謝我 24mth parma ham melon 意大利出晒名的甜melon,2個字:無敵 酒買左支意大利甜酒配melon. 7Florence Apartment有晒所要用具(不過冇 choping broad)整起黎尚可,味道當然一流!! Pasta: tagliatelle with sicily red prawn and scampi ! 有新鮮的scampi同red prawn點可以唔食?香港說算做高級意菜的我都只見過新鮮scampi...(不過送到過黎都2日啦…)3個字:超好味。 清潔一下後。準備向米開朗琪羅廣場進發,因為今晚fine dinning地點是在廣場下面,計劃先睇日落再去。 意大利的fine dinning記得要先早訂位!盡時!同埋自己早一日再confirm張枱！ 另外係到抱怨一下香港人通病就係成日訂完枱no show! cancal 成碼都要早一日...我involtini鋪小小唔係坐好多人,你1枱no slow我唔會接得番訂枱....我地唔係大公司小本經營輸唔起...希望香港人可以改變下呢個習慣。 講番遊玩,點去米開朗琪羅廣場?可以搭巴士,不過我建議行! 行之前去左Officina Profumo Farmaceutica di Santa Maria Novella買香水, 女士最愛organic。 品牌都是意大利出名。 我地經Ponte alla Carraia(橋)行到另一邊, 呢邊住宅區,不過仲多小店! 緣分來了！在一間老酒窖搵到支82年的Chianti Classico!(尋晚係香港已經飲完,不得了....!陳年酒的味道一試難忘) 都係35歐!!!!仲有支79年,不過意大利公公婆婆話82好飲d(又係唔識英文的) 經佛羅倫薩卡爾米內聖母大殿向Piazza Pitti進發行街。 Piazza Pitti廣場有畫家賣畫,價錢都不貴。我都買了2張放餐廳呢～呢到可以係附近買d野食坐低,感受下意大利的陽光。 記住小巷永遠比大街多野睇！ 一直行行行到米開朗琪羅廣場,要上一條長命斜!同旁邊的意大利人一齊抽口氣(我老了)不約而笑,建議買定水上去可以補給一下,都幾累人... 不過是值得的!各國的人都係到得日落,仲有人影婚紗相。 呢d先叫風景,沒有任何的高樓大廈！ 時間差唔多,到今晚的重頭戲fine dinning at La Bottega Del Buon Caffè。 傳統的Toscana 意廳fine dinning. 請記得先用email訂枱！我在2個月前email訂的，在到達1日前再用email confirm booking. FB: https://www.facebook.com/labottegadelbuoncaffe/ website : 有MENU 價錢 http://www.borgointhecity.com/en/la-bottegadel-buon-caffe/ 餐廳晚上7:30才開門(fine dinning都是這樣)不過我們於7點早到了,經理先安排我地去旁邊的Bar先飲杯野等時間。 一入去超靚，好似人地拍戲咁！有真火爐,古書,你可以點你要的cocktail or Processco作為refresh一下。 當然佢會比埋幾種nuts比你送酒!超正。 當然價錢會比較貴...不過都比香港真心抵。 夠鍾就由receptions帶我地去到main dinning room. 安排我地坐係open kitchen前的一張枱！ i like it. Menu 可以a la carte or tasting menu.當然我地選擇tasting menu因為佢可以代表到餐廳既野,有6course or 8course,同枱一定要叫同一個course,我地就選擇了8course. 先上AB (即餐前小點,行內簡稱) Something like tomato 驚喜的視覺。內面分別是鴨肉醬,taglagio cheese 和魚 再上Fennel with lettuce and sesame 自家farm to dish 的idea.fennel 的芯甜甜的,帶少少草青味,香港無可能食得到(雖然呢個味唔係人人中意) Bread basket 做得超好的意大利香草包!配上地區(唔記得邊到)的EVO超好食,因為加左薯仔去焗的。 先上頭盤 焦糖鵝肝燉蛋,紅酒醋雪芭,法式麵包 作為頭盤非常之好,焦糖鵝肝燉蛋非常之幼滑!味道比較輕淡(應該的，作為頭盤)紅酒醋雪芭refresh你味覺。 之後再上海鮮意式刺生。個人十分中意,精緻的各種生食海鮮(seaabass, Sicily red prawn , scampi)特別在scampi用墨汁包住放上蠔葉成個小茄子咁。 到了pasta, bb 魷魚,homemade Tagliolini幼麵配sege 咁既pasta先岩我食架嘛！咁既pasta先同我做的差不多,味道似曾相識。有層次的鮮味,看似簡單其實不簡單。上湯是重點,所以點解INVOLTINI D PASTA咁好食就係咁解 煙燻鮟康魚雲吞,意大利乾魚春。 好食。傳統。由其想要佢地碟，好靚呀！ 再到另一款雲吞 Barchette pasta filled with 24-month-old parmigiano reggiano cheese, turnip tops and smoked eel.內面24個月的巴馬芝士,煙鰻魚小小的點綴。 Amberjack with turnips beef root and ciso 鰤魚slow cook半生,新鮮香滑,配上紅菜頭粉同foam,甜甜的不錯 Topinuber puree grilled cauliflower . vinegar cauliflower. Romanisco 令我驚訝的一道菜,全素菜都可以咁好食令我對素菜改觀。 耶路撒冷雅支竹打成溶,加上煎得香的羅馬西蘭花,椰菜花,香氣四溢!好好食! Beetroot sorbet,carrot sorbet , melon sorbet 紅菜頭,甘荀,密瓜 3種雪芭作為清理口味 甜品 Foam of apple pie 蘋果泡沫加上肉桂,感覺就係蘋果批! Cheese cake . mango sorbet 將cheese cake分開,完成左唯美的甜品 Pette four 最後上一些朱古力作為完結。 埋單290歐2位,呢個價已經真心超值,服務超好,食左3個小時。 主廚會親自出黎問OK唔OK(待應其實每個COURSE都問)之後仲傾左一陣,原來佢都有想過去香港,不過WORKING VISA太麻煩. 意大利仲好多啦~~食材萬歲!!!好想係意大利開鋪.... 香港呢個價錢冇可能有咁高質...食材新鮮已經是關鍵。 評分的話10分滿分我比8.5分!超高!(出名要求高) 之後搭巴士返去(用google行程搵！) 晚上溫差極大,室內有暖氣,記得帶衫喔！ 打呢一日打左幾千字....3個鐘,希望大家繼續支持意。 料 。之外JACK同埋INVOLTINI Italian Cuisine 明天古城siena... 想留意天多請LIKE我的FACEBOOK PAGE! 意。 料 。之外JACK 想試試我手藝的話就睇睇餐廳PAGE INVOLTINI Italian Cuisine
