之前去澳門, 一落船有的餓,就即刻去咗盛記食早餐,叫咗最出名的白粥,的粥底又綿又有香濃的腐竹味, 好特別, 好傳統, 同平時香港個的唔同, 仲有, 的皮蛋瘦肉粥都唔同香港,的粥底會加埋的鹹蛋粒,鹹鹹地,幾好味架! 之後去左南屏雅敍食超級腿蛋三文治,當份三文治來到面前時,厚到意想不到,啲蛋非常厚,好有蛋味,食落好有滿足感 啲奶茶好滑,茶同奶的比例好配合,茶有茶味,奶有奶香,真係一絶。 跟住去左澳門美食節,呢個美食節做幾日嫁咋, 亦係我今次過黎既目的! 入面有很多小食, 有一款令我最難忘的係炸紫菜卷, 因為而家係香港揾唔到, 呢的係我兒時的回憶, 估唔到係呢道揾到, 的味道仲好正, 好香好脆, 的紫菜味好濃, 入面包住的魚肉好彈牙。仲有好多其他美食,例如有台灣小食,超級小籠包,的湯汁多到要用飲筒吮,非常惹味,鮮甜。 食完差唔多係時候去銀河酒店Check-in。一見到銀河的外觀,被佢的金碧輝煌吸引住,又大又閃, 好宏偉, 又有氣勢。 夜景都一樣咁熣燦奪目, 幾靚 入到大堂,見到的水晶石色彩繽紛, 好有特色, 好多人影相, 我當然唔執輸啦~ 仲有粒大鑽石, 每個鐘先會出現一次, 睇下我幾好彩 睇完就上房睇下先, 房間更比一般的雙人房寬敞,設施又齊備,又乾淨衛生,比人有一種豪華的感覺。 仲有個浴缸, 好舒服, 浸左疲勞無哂 第二朝去左呢度, 就係銀河食自助餐的餐廳, 我地個PACKAGE包埋早餐, 所以我地食自助早餐都係喺呢道食,十分豐富,值得一試。 今次行程試左好多地道野, 傳統野, 好值得一行
