離開 Dachau 集中營後，應該要換一換心情了，我們就來到市中心跟著人群行去Oktoberfest 的現場！ 人頭湧湧 Oktoberfest 是慕尼黑的大節日，無論係當地人或遊客都非常隆重其事，著曬傳統巴伐利亞服裝周街行：男裝通常係唔同顏色的格仔恤襯牛皮短褲再加長襪皮鞋，要大隻大骨架先著得好睇！見過比較瘦小的亞洲人著，硬係覺得有點奇奇怪怪 :p 女裝就更厲害，彩色格仔低胸連身裙加圍裙，配以歐洲女士的迫爆身材，九月中下旬期間真係目不暇及，到後期更有食滯的感覺唔想再望。。同樣地，都係適合大隻女人著，唔單只指個胸，就連骨架手臂都要夠粗壯先可以穿出個味道！ 我地呢D細細粒無肉食的就不敢獻醜，再加上成套衫夾夾埋埋都上千蚊，所以我地都係影下人地相就算啦哈哈 Oktoberfest 是一家大細的節日，場地內除了有好多不同啤酒品牌的劈酒營，更多的是機動遊戲，掟公仔攤位同熟食檔，是一個好熱鬧的嘉年華！比較有趣的是，在場內迫住迫住下除了要小心財物同醉酒佬，還要注意閃避地上好鬼大篤的馬屎！因為場內有幾匹馬，俾人影相，所以佢地出出入入難免會放低幾兩。除此以外，還有好幾部流動ATM散布場內，等大家飲起上黎唔使就住就住！正呀！ 傳統與現代結合 大家都想同馬仔影相（笑！） 一大堆機動遊戲s 劈酒營一般都要預早買飛，我地無買，只可以撞下彩入唔入到，結果我們在Paulaner劈酒營外迫住等了一個鐘，終於入到去坐下。。。每人叫了一杯 1L 的啤酒，旁邊的鬼佬開始和我地飲杯，繼而搭訕，其中一個重帶左陳小姐去聽 liveband，哈！ 早上的Paulaner 入夜了～～ 熱情的德國人與健談的羅馬尼亞人 臨走時同另外幾個鬼佬交換FB，竟然有人對我art jamming幅畫有興趣，讓我開心了好幾天，哈哈哈哈！ 我醉了。。 無人之境 Viel Spaß 想再來？課金吧少年！ 晚上十二點了，明天還有行程還是早點休息吧！ （車站人很多。。。） P.S: 文中包括幾次到訪的相片
