經過十月的短暫旅遊休息 （即係狂返工無去玩的意思）, 十一月初終於迎來上班後第一個三天連假! 咁難得的機會, 當然要去玩下啦！今次我地就去登德國最高峰 - 楚格峰 Zugspitze ! 去Zugspitze有好多方法, 我地選擇左搭DB Bahn去 Garmisch-Partenkirchen上山. 話說GP小鎮以及附近兩個小鎮都是出名的濕壁畫村, 但時間緊迫, 我地一概忽略, 直上山顛!按原定計劃, 我們十一月出發的其中一個目的就是要等冬季票價, 因為足足平10 euro! 但去到先知冬夏季之分並不取決於時間點, 而是降雪量, 想慳住去既朋友留意啦! 原是翠綠山谷, 轉眼化為白雪! (所以好明顯係夏季票價) 上山用既時間一點也不長, 加上沿途美景, 眨眼間便到達! 係山頂上有間小教堂, 聞說係為當時興建工人而設。我地在附近危坐進食自備午餐，引來好多雀仔圍觀。 （留心D睇會見到呢兩張相 Y已經無著羽絨，因為我們知道上雪山就如臨大敵般著曬最強打底裝備上山，點知上到黎太陽無遮無掩照耀雪地，行多兩步就出汗。。） 下一步當然係更上一層樓, 上觀光台 Eibsee （湖） & 觀光台：現場肉眼遠眺的 Eibsee 係好靚，顏色藍中帶綠，帶貝母般的光澤！ 奧地利群山 影返張觀山圖先! 或者真係人(攝影者?被攝者?)既問題, 我始終覺得下面張影得好D. 欣賞一輪後, 貪玩怪出現！去同小朋友爭玩免費雪橇！好斜好快好刺激！ 諗住拍下廣告硬照, 點知連電話都跌埋, 好彩執得番! 落山後仲有少少時間, 去行埋 Eibsee ! 好優美既湖景, 但Konigsee確實更勝一籌! 離去前的回眸 時間充裕, 仲可以影下濕壁畫! (請張開眼...) 後記：繼蕃茄節前一晚趕頭趕命買拖鞋，今次亦係臨上雪山前一晚先買雪鞋。不過唔同的是，上次對鞋只需3~4歐，今次。。。
