上星期六係老大成為人夫的前的一個生日~哈哈~之前生日我地都係出去參加兩日團~哈哈~不過今年真係好忙呀!!! 唔緊要啦!!! 香港過都好好呀!! 最緊要係大家在一起!!! 慶祝老大生日~ 我們兩首先係沙田集合! 再出發到紅磡都會海逸酒店! 去食個靚靚LUNCH BUFFECT 先!!! BUFFECT 12點開始~我訂左12:30到, 一去到……嘩….好多人呀! 已經接近坐滿啦!!! ( 好在有訂位咋 ) 行入去我地坐的位置, 沿途見到個個人都係一大碟長腳蟹, 應該唔錯呱!!!! 我地拎左台之後~放底野~就出去拎野食啦~ 好多野食(((心心眼出現))) 老大同我都不約而同拎左蟹腳先!!!老大幫我拎番去先~我再周圍行下~~~ 生蠔要排隊好長龍~~~ 熟食好多種類!!! 重要有生滖粥、拉面!!! 哈哈哈^_^最開心既係有不停供應的梳乎里!!! 有個師傅專做甜品的! 岩哂我呀!! 重有綠茶流心蛋糕、芝心撻!!! 雖然唔知食唔食得哂咁多款~但睇下都開心!!! 行到尾部~見到HAAGGEN DAZS~ 有多款口味~重有雪條!! VERY NICE!! 行完一圈~乖乖番去開餐啦!! 老大去拎飲品~ 飲品係自己斟的~ 方便哂我地口渴一族!!! 無限ENCORE!!! 老大好勁呀!!! 好似食左3大碟蟹腳!!! 同佢去食自助餐真係開心! 毫無顧慮地食!! 我哩….減肥掛口邊~ 但係都係不停食~~ 特別食左好多款甜品!!! (((食左先減啦))) 期間用左朱古力醬自畫左個生日碟俾老大!!! 哈哈哈! 之後當然有食埋佢啦! 唔好浪費呀麻!! 去到哩個MOMENT~ 當然要送埋禮物啦! 希望老大會喜歡!!! 狂食到2:30~ 酒店溫馨提示我地要離場了!!! 收到!!! 咁我地就出發到下一個目的地啦----- 昂坪360 !!! 係紅磡火車站出發~ 乘坐西鐵坐到尾站就係東涌站~ ( 大約40分鐘 ) 之後由東涌站出~係巴士站個方向~再向前行少少就到啦! 有好清晰的指示牌~ 唔洗驚搵唔到呀! 大約行5 分鐘就到!! 我做左功課架^_^ 永久居民正日生日當天係可以免費 (普通車箱) ! 只要出示身份證就可以啦~ 如果要想坐水晶車箱的話呢~來回就要俾$ 70 做UPGRADE啦!!! 我地選擇左UPGRADE水晶車箱! 而我~當然係冇得別優惠啦~ 但係而家只要用匯豐信用卡就可以享有9折!! 好過冇呀!!! 折完之後 $ 229.5!! 平DD都好呀!! 由於~老大未去過~應該會感興趣既!!! 買飛之後~我地就出發啦!!!! 水晶車箱… 地下都係玻璃做的! 清楚見到下面的景色~ 座位背後有通風設計! 就算天氣悶熱~都可以風吹吹背脊! 天氣好好~風景好好~ 望出去完全都係藍天白雲~ 好正!忍唔住不停影相~ 重要坐埋係地下影! 咁先突顯到係水晶車箱!! 成個路程大約20分鐘~ (((期間忍唔住開左POKEMON GO~ 點知!!!!!!!!!!!! 好多特別的精靈出現!!!! 我重係到捉左我第一隻既火蔥鴨!!!! 老大重話有好多勁野係附近!!! ))) 20分鐘過去啦~我地到左啦!!! 昂坪市集!!! 而家做緊的推廣節目係 “”蝶舞360仲夏賞”” ~~ 我地一行到市集~ 時間岩岩好! 撞正表演時間~! DANCER 們跳舞扮蝴蝶! 唔錯呀!! 睇完表演我地周圍行下~睇下~影下相~ 市集擺放左幾個位係影3D 立體相既! 我地當然唔放過!!! 行出市集外~ 重可以行上大佛!! 沿途有幾假牛牛係到食草!! 哈哈~都有唔少人同佢地合照呀!! 天氣好! 心情都好好呀! 我地見到路邊有個山水豆腐花的檔口, 入去食啦~ 一人一碗~ 呀~~ 正呀~~ 透心涼!!! 哈哈哈~ 佢重提供多款小食!!! 都有唔少人有人幫襯呀!!! 食完之後~再周圍行下~就回程啦!! 哈哈哈~ 老大對哩個安排表示滿意呀!!! ^_^ 你開心就得啦!!! 回程坐番水晶車箱~ 黃昏的景色~都係好靚! 同埋已經約好老大! 下一次~我地坐360上黎~ 之後行番落去!! 因為睇到360棧道好靚!! 欣賞風景之餘又可以做運動!!! 下次呀!!! 下次就去行下!!!! 360 生日旅程~簡簡單單就結束啦~ 坐車回沙田去晚餐! 老大好好! 知道我爸一個人在家~ 所以叫埋爸出黎食! 好欣賞老大這一份心意!!! 老大話~人愈大~生日愈覺得人齊就好了! 對的!!!!我認同!!!!
