第四日 身處CARINS的 HILTON 的了 一間近海的HILTON~房間不是太大~而且有點古老~不過就有一個大露台都唔錯呀!!! 早上起身~ 食個早餐先! 嗯~~好似悉尼的SHERATON 質素好一點, 唔緊要啦~ 我地食飽飽就出發啦!!! 今日節目係出發去世界十大自然遺產之一 : 大堡礁! 我地先酒店步行去碼頭, 大約十五分鐘左右啦! 好近, 而且風景好靚呀! 今日天氣好好!!! 藍天白雲!! 真係成幅畫咁呀!!! 真係正!!! 船程大約2個小時,船上有好多HK遊客!!! 比起其他景點的確是少了一些內地團~ 感覺OK!!! 我地是先要到一個叫做GREAT ADVENTURE 的大平台之後再進行其他水上活動的! 我和爸原本是想一起參加"海底綿羊"的~ 在參加這個活動之前是要填一份健康申報表和不可以食藥的~ 但係之前原全冇聽過導遊講呀~爸食左血壓藥.... 冇得玩... 只有我隻身上陣了... "海底綿羊" 其實就好似一個水底電單車咁~ 不過當然唔會快~ 只係慢慢行~ 加上有個頭罩~只要把頭放入頭罩內~就好似平常呼吸一樣~唔洗識游水都玩得! 有教練陪住! 有佢帶你穿梭珊瑚群之中! 完全唔洗驚!! 活動時間長度就大約20分鐘左右!!! 大堡礁的水好清! 完全睇到你身邊有咩魚游過!! 我重有幸見到蘇眉BB 呀!!! 好好彩!!!係一次難得的寶貴經驗呀!!! 多謝阿爸阿媽鼓勵我去玩! 一生人~真係唔係有幾多次玩哩D野~ 哈哈哈哈哈 當我玩緊"海底綿羊"的同時, 爸媽去左坐玻璃船!!! 玻璃船好似一艘潛艇咁會帶人深入海底, 船的底部係由玻璃組成的, 海底的情況可以話係一目了然!!! ( 我玩完綿羊之後,我有坐坐這船, 所以知道情況 ^^) 大大小小~不同種類的魚、海龜在眼前暢泳!! 真係目不暇給!!!! 沿路重有專員講解!教我地點去保護自然環境!!! 真的! 天氣反常得好嚴重! 人類係時候要醒覺啦! 愛護我地的地球呀!!! 玩完一輪之後~我地坐係到休息下~哩到重有供應BUFFECT~ 咁同出面比一定係少選擇D~但係都OK既!!! 有中式有西式~滿足到大家的要求, 有果汁有茶, 照顧得幾全面呀!!!係咁好的天氣下~有陽光~有好清的水~ 有大家的歡笑聲~ 真係好和諧呀!好鍾意哩個環境呀!!! 純HEA都覺得開心!!! 佢地重有供應浮潛的衣服~ 大家可以自由係船的周邊浮潛!!! 真係好好呀 ^__^ 我地坐多陣~周圍影下相~好開心呀~ 爸話同我坐多次玻璃船, 媽就唔坐啦~因為有個團友嬸嬸暈暈地, 媽就陪佢傾下計咁囉~ 爸對自然生態係好有興趣的!!! 所以就ENCORE!!! 哈哈哈!!! 玩完一轉~我地就上番大船啦~出番去市中心碼頭啦~船程都係2小時~ 一上船~見到D 員工哂左D頭先係浮台上影的相: 登船相、潛水相等等~各式各樣都有!!! 我同媽都係到搵我地的相~~我爭扎左好耐呀>_<因為有D貴!! 但媽認為係難得一次黎到! 貴都要買~ 佢都講得有D道理既~ 哈哈哈~最後我地要左一個PACKAGE 有5張!!! 哩隻船好好呀!! 途中重有小食免費供應! NICE!!! 落船啦~員工們列隊SAY 88~太好禮貌啦~完全是一個特別的TRIP! 謝謝你們用心的服務!!!! 下午5點幾~ 天免未太暗~我地又係咁影相啦~ 因為碼頭真係好靚呀!!回到酒店沖涼~之後就出去食飯啦~今晚食中餐!!! 最令人SURPRISE既係!!!! 有生日CAKE呀!!! 旅行社會為生日團友送上生日CAKE! ( 導遊叔叔) 而阿媽同另一位BB就係主角啦!!! 有幸食到澳洲的生日CAKE!!! 哈哈哈!!!幾好呀!!! 食飽飽之後~我地就去左行夜市!!! 買左唔少手信!!! 蜜糖!!! HANDCREAM 等等!!! 番酒店之前重去左一轉賭場呀!! 見識見識!!! 阿爸重搵番今日既洗費番黎添呀!!! 好叻呀!!! 今日真係好開心呀!!! 好難得!!! 好特別!!!
