奇怪酒店與奇怪CAFE

平時有留意開新奇事物既話，可能早就聽過2年幾於前長崎豪斯登堡開業既「奇怪酒店」（変なホテル）；
由長崎開始，於舞濱、愛知、銀座等地開業既「奇怪酒店」，奇怪在於將絕大部份既酒店服務交由機械人提供，甚至仲得到「世界首家機械人酒店」既健力士認證。

ジェラシックパーク#ハウステンボス#変なホテル pic.twitter.com/TKmYrqbYQS

— マーガリンは強い (@0e0A) 2018年2月10日

不過今次粹日本小編想同大家介紹既係唔駛留宿，只要幾百円就可以體驗到既「奇怪服務」！由同一公司開設位於澀谷MODI 地下一樓既「奇怪CAFE」（変なカフェ），咖啡師改由機械人擔任，由磨豆到serve咖啡俾客人都係「非人」為你服務！

食券機只係開始 ……

去過日本既話都應該知道唔少日本食肆會用「食券機」取代人手落單，除左可以節省人力成本以外，本身都方便到客人可謂一舉兩得。

你以為奇怪CAFE只係得部食券機咁簡單？你太睇少日本人啦！黎同我地既咖啡師「Sawyer」打聲招呼先！

一般既Cafe需要2-3名職員先可以提供服務，而奇怪Cafe就將磨豆、沖泡、服務等都交由Sawyer負責，成功將必要的人類減至0.5人（？）；當然身為客人的你除左買食券之外，要稍為self-service多少少 …..

響食券機買飛，然後將印有QR Code既食券放入指定掃描器，最後自己放好紙杯就得！

開放式店面俾你見到機械人君點樣沖咖啡，經過特別設計既磨豆機同咖啡機可以模擬人手沖泡既過程，你平時見到咖啡師打圈式沖咖啡，呢度一樣見得到~

雖然機械人君暫時唔識好似siri咁同你傾計，但係基本既接待依然做得到。仲識認叻話自己沖咖啡勁過人類添！識得日文既話到時除左影相拍片，記得聽下機械人咖啡師講左D咩，體驗一下機械人式OMOTENASHI！

奇怪CAFE可以節省人手既原因，除左使用Sawyer機械人外，其他硬件設計都做足心思。好似沖完咖啡後要洗漏斗做清潔，人類工程師將水龍頭設計成向上噴水，等機械人可以方便D做野~

總明既你當然明白，呢一間奇怪CAFE點解依然需要0.5個真人員工；為磨豆機加咖啡豆、日常維修，同埋倒垃圾之類都依然需要人類介入。之但係咁用心設計準備既「噱頭」，小編依然非常收貨。

一般black coffee 320円，分量足而且唔係即溶唔係罐裝咖啡唔係咖啡機，由機械人君抱著職人敬業之心（？）用真咖啡豆沖出黎，整體絕對唔輸俾星X克之類既連鎖店；

暫時得日本東京先有，世上唯一一間既「奇怪CAFE」，當成景點去朝聖都唔錯！

奇怪Cafe（変なカフェ）
地址：東京都渋谷区神南１丁目２１−３　渋谷モディB1F
營業時間：11:00～21:00（LO 20：30）

===
最新日本美食、旅行、文化情報，盡在「粹日本香港」！
http://ikidane-nippon.com/hk

IKIDANE APP，最高18% OFF COUPON！
■iOS☞https://goo.gl/wmBngt
■Android☞https://goo.gl/Uby3Uf
===