有日在沙田新城市搵食，路過見到呢間iki，門口個 lunch menu 好吸引，有一系列鐵板餐，又汁燒日本宮崎雞扒，又香草牛油大蝦，又安格斯西冷咁，每款都只係七八十蚊，仲唔駛等位添，正wor。 揀左鐵板燒美國安格斯牛柳，包埋沙律，酸蘿蔔，麵豉湯，香菇飯，都係$82加一咋，好抵啊好抵啊。 好喇，萬眾期待既牛柳上檯喇，我要鋸扒了！ < < < < < < < < < < < < < < < < < < < 咦，點解咁既！！！ 乜唔係鋸扒？牛柳粒黎既，仲以為有扒鋸，大隻既蛤乸確實唔會隨街跳。不過呢餐味道唔差既，香菇飯仲幾好味，只係人地檯檯個鐵板都係嗞嗞聲咁上檯，得我個碟係靜左音。
