我地今次坐ANA嘅凌晨1點幾機... 其實我地一早BOOK咗日本LOCAL TOUR* 但係我地出發前兩日先知道原來內陸機要7點AM喺羽田機場準時起飛 但我地班機要6點15分先到機場*所以應該機會渺茫.. 所以我地即刻買定多張機票 打算萬一趕唔到就直飛旭川 到時再會合其他團友* 不過我真係好想希望趕到T^T 因為如果趕唔到班機就無辦法去到旭山動物園睇企鵝仔.. 所以我地都有同ANA香港嘅同事講咗聲 希望佢地可以幫到我地啦!!! 好難得可以兩個女仔去旅行..所以心情特別好* 兩個人瘋狂影相..傾計..好快就夠鐘上機啦!!! 可能因為凌晨機...一上到機就好眼訓...加上一諗到一落機就要去玩就叫自己快D訓!!! 點知到凌晨4點..竟然要起身食飛機餐* 有兩個早餐被我地揀 一個和式早餐-鯖魚飯+冷麵 另一個就係西式早餐-腸仔蛋配麵包 我地唔知點揀所以每樣揀咗一份 打算SHARE食;P TCY話唔肚餓 所以揀西式早餐 因為份量比較少 我試咗佢個蛋都好味.. 但TCY就話因為太夜食 岩岩起身 無胃口食野 所以佢食咗兩啖都無食LU!! 我自己比較大食 同埋我怕一落機無時間食野 可能要到9點後先有野食 所以我就揀咗和式早餐... 個鯖魚飯好好味呀*仲有個冷麵..食完好想再添食!!haha.. 另外波蘿都好甜呀..完全唔酸!! 反而食完波蘿再飲橙汁令到個橙汁好淡:( 最後..唔知係有咪真係因為有同航空公司交代咗.. 佢地真係早咗5分鐘起飛*再加快咗飛行速度..我地班機足足早咗20分鐘到羽田:P 一到埗 有4個ANA嘅職員就跟住我地 帶我地搭Shuttle Bus同幫我地check in!!! 服務真係好好 好體貼呀 如果無咗佢地 可能我地有排搞!! 最後 我地6:30am已經入咗閘 個天都開始光啦!! 內陸機嘅機票* 一起飛仲見到疑似富士山*V*..自從上次喺富士急見完你之後就念念不忘!! 因為真係好靚呀!!! 如果有機會好想同你近距離接觸一次!! 另外..我仲喺機上面著多咗條褲同HEATTACH... 因為天氣報告話得當地只有-4度左右 又有雪上加!! 所以個心一方面又驚凍一方面又好期待...
