話說尋日仲擔心緊天氣會變差，點知第二日一起身望出窗外： 我真係嘩左一聲，仲係大聲嘩果種 -- 竟然會好天到有藍天，好難想像我身處緊係雨災中既台灣 即刻落樓下周圍影相 見今日咁好天，決定早上行程上多次清境農場 d 風景同尋日完全係兩個樣 有藍天，隨手影既相都靚 返落山，順道探望全台灣最高Starbucks 離開民宿前一影 我地包左車，下午行程由清境駛到日月潭，買船飛環湖一遊 (司機識得d船夫，每人船飛平左100蚊台幣) 又係全台灣最高系列 - 全台灣最高燈塔 (當然係指海拔最高喇) 日月潭比想像中少野睇，下一站我地決定去集集車站。途徑一個軍史公園，司機話好值得一睇，就落車睇下 可惜又開始落雨了，雖然我對軍事無乜研究，但據稱呢度d武器全部都真實上過戰場的，都係個有趣景點 去集集車站前，司機再車埋我地去武昌宮： 成棟塌晒! 不過唔關今次雨災事，係當年台灣921大地震造成的。原址附近已經起返一座新既，呢度只係用黎紀念 (To Be Continue... )
