最近多人整蝴蝶結造型，望一望做法都唔複雜。於是趁有少少時間又試下～ 次次望完食譜如果覺得複雜就會直接放棄HAHA(造型期間不停比Biiru 拉走咗，唔係姓賴，不過真係會為咗想快d 安撫佢而拿拿聲整完）用咗簡單小餐包食譜，味道當然一樣，不過外型唔同咗，新鮮感都多咗，胃口都好咗～ᴡʜᴀᴛ ᴅᴏ ᴜ ɴᴇᴇᴅ?-高筋麵粉 200g-糖 15g-鹽 2g-配方奶 145g (沖完用冰水助凍）-核桃油 15g-速發酵母 2gᴛʜᴇɴ... 文字好難演繹蝴蝶結做法，原諒有少少語障，建議拉上去觀看影片1) 所有材料放入麵包機桶（我係懶媽媽，無刻意等到揉麵團8分鐘後先放油）2) 放小冰種在麵包機內 (保持麵團溫度）3) 選擇麵團模式*記得揉麵後拎返冰種出黎4) 約一小時後完成一發5) 手指篤入麵團如無反彈即為發酵完成6) 拎出麵團輕壓排氣並分割16份（大孩子食可以分8份）7) 每份滾圓醒麵10分鐘8) 輕壓排氣並按壓至圓扁形9) 平均𠝹開麵團10) 左邊輕輕拎起中間三角，左上&左下三角向對方併靠，中間三角輕輕搭在兩個三角上面，右邊亦然，最後上方正中長條形於蝴蝶造型中間圍繞一圈掐緊作結11) 進行二發12) 蝴蝶結表面撒上麵粉13) 預熱焗爐170°c ，烘焗17分鐘點擊圖片放大 其實唔複雜，只係難整得靚，完成造型果下覺得都好靚，但二發時望入焗爐見發到豬頭咁，變咗肥蝴蝶，心諗又失敗，點知焗完出黎效果又都算理想。你可能也感興趣：延伸閱讀【自己做健康牙仔餅】【隨時都能自己做烏冬】【BB偽朱古力曲奇】【甜蕃薯米條．BB路肯食飯點算好】【低糖戚風蛋糕 WorkFromHome肥咗？】『你我係在職懶媽媽，唔係專業煮婦，食譜就係咁簡單自問煮嘢唔叻，但又想落手整比BB，試下試下又一餐～』>>>>更多Biiru加固餐單>>>>神經媽媽の生活日常>>>>聯絡神經媽媽・鼓勵媽媽可以喺下面比個LIKE^^・覺得文章有用可按收藏
