去福岡旅行想食好野，跟住我地推介一定無錯，上次就同大家介紹了專食和牛壽喜燒的「人形町今半」，今次就再介紹大家上次去福岡博多站我地食過覺得好好味的燒肉店にく屋肉いち(Nikuyanikuichi)博多店。 其實之前每次去日本，我地都一定會食燒肉，而且一定會食放題，不過年紀開始大，覺得食放題好唔抵，我地兩個其實不是食好多，散叫反而仲可以叫一些高級既肉慢慢享受，所以我們就選了「にく屋肉いち博多店」。網絡上好多 Blogger 都介紹「多牛」，多牛價錢係平，但不過佢地個場係無抽煙系統，所以內裏好大煙，所以我就真係唔推介大家去「多牛」了，食完成個身好大陣燒肉味。 にく屋肉いち博多店網址： https://tabelog.com/tw/fukuoka/A4001/A400101/40025525/ 地址：(由博多車站步行去，大約 10 分鐘) http://www.yakiniku-nikuichi.com/access.html 因為好多人，建議大家打去先訂枱，092-472-1129，我地當日好好彩，無訂位，6 點半到，剛剛好有位咋。 俾個價錢大家參考一下，這是 2018 年的價錢，一碟牛舌價錢 980 Yen 起、五花肉 680 Yen（即 $48 港幣咋），好平！ 佢地有一個 7 種肉類的拼盤，價錢都係 $3,980 Yen，計番港幣都係 $286 蚊，仲要係兩個人既價錢喎，即係每人唔洗 $150 蚊，係咪好抵先 。 這個拼盤，總共有 7 種肉，每樣有 3 件，如果兩個人來食，絕對係抵。 因為好味，之後我地都有叫一些高級既特上級肉試吓。 睇我太太食得咁滋味就知好味啦~~ 福岡燒肉推介 - にく屋肉いち(Nikuyanikuichi) 電話：092-472-1129 博多酒店推介 【福岡新酒店推介】WING國際酒店博多新幹線口 博多酒店推介 - 博多 CROOM 西鐵酒店 (Nishitetsu Hotel CROOM Hakata) 由布院溫泉酒店介紹 山水館溫泉旅館，可遠望超美由布岳風景的溫泉酒店 花由旅館 | 由布院超正的溫泉酒店 【由布院秘湯溫泉酒店】稀有藍湯溫泉的泰葉溫泉旅館，浸完皮膚超滑溜！ 湯布院森之露臺酒店 – 濃郁歐風外觀，浪漫小屋的溫泉酒店 湯布院布袋屋(Yufuin Hoteiya) – 房間有私人露天風呂的溫泉酒店 【由布院溫泉酒店體驗】由布の彩 YADOYA，房間擁私人溫泉，晚餐 A5黑毛和牛壽喜燒
