當收到呢個message，心裡可能己經說了無限句粗口。一場心理戰又開始了，應該click唔click好呢？唔click個duty可能俾人搶先一步，click左又可能冇左taxi，每次都諗左好耐，結果俾人搶先一步嚕。有時唔想operate時，個message點refresh都仲係到，結果一call我時，避無可避點都要我operate，點解咁多人係都要搵我喎。 幸好每個月只係要經歷3-5次，即是每個月on roaster總有3-5個standby更。當初屋企人唔係好明點解我化好妝宅在家中一整日，但不用上班。standby就係屋企坐監呀，人手不足時就會被call，flight disruption (eg, long delay)就會被call。我試過PVG大亂，原先set crew如果繼續operate就會exceed working hours，所以臨時call一班crew去取代。好似打波咁，一有球員受傷（call sick)，球員太累（exceed working hour)，唔夠人上場比賽（on roaster已經少左隻菇）就會call我地呢班後補去頂上。你可能會話點解一開始會少左隻菇？？公司計到好盡，light loading的話根本不需要full crew，有足夠的人去operate已經可以了，但有時意想不到，無啦啦light loading變full loading，咁就要call多隻菇黎幫手。 有些同事很喜歡standby被call out，無他既，搵餐飯仔，呢行不嬲都係多勞多得。對於我呢粒小薯黎講，都冇得選擇，但願俾個靚port我就開心。呢個button就如潘多拉盒子，永遠都唔知一打開會是怎樣。有時只是通知往後的duty chnange，如aircraft change。有時俾爛port，係人見到都想port sick。身為後補一員，冇得say no唯有頂硬上。都試過有靚port，高雄po-1，即是去程postioning 坐係到扮客，回程照operate。anyway，等待並不好受，沒有被call out又沒有錢，因為都冇做過野，但變相多了一日假，standby過後都可以約朋友食餐飯。被call out的話，又要看有多少時間做準備，衣服又要重新收好。相信都冇人喜歡做後補一員吧！ P.S. 上面個message係幾個月前的，仲有幾個鐘，希望no message no call。
