今日阿強生日 我,左左,阿柱,阿青就同阿強去踩單車 好彩今日冇落雨 我自己踩單車唔叻,不過聽聞阿強踩單車都唔叻 果然,踩唔夠2下就停一停........... 未熱好身姐...... 望住阿強左搖右擺咁,我自己有D滴汗 「快D la!阿強!!」 「踩咁快做咩?」 「要走得快,先可以走得更遠」 事關我自己都好驚同佢炒車..... 不過話說回來,自從上次台東踩單車差D出事之後,我手車好明顯穩定左。 至少我學識左踩住單車托眼鏡,仲有1秒靜止平衡。(姐係架車靜低左1秒,對腳仲離地) 今次路程好大路:大圍>白石角>吐露港>大埔>大尾督 講就咁講,得2個半鐘,邊到去!!! 途中想轉去三門仔,最後踩到大埔出D就番黎 番黎果陣,阿強突然拋離我地,又突然俾我地拋離。 其間我唔留神,差D撞埋柱,好彩我一手一推,然後用岩岩學識的單手控車(托眼鏡果招)平衡番。 本來諗住7點先番到,結果6點半就到大圍........