話說我初一食完飯後，就出左旺角行。 作為一個愛好街頭表演的歡眾，平時我習慣一到旺角，就入菜街(西洋菜南街)。 去到一望，好鬼死多人。 我都係今年先知，原來新年一到，菜街都變成市集。 年三十前行花市，年三十後行菜街 真係不為過 係菜街真係多野買到呢，衫褲鞋襪，手工，玩具，毛公仔.... 途中又俾我聽到d好爆的推銷 「10蚊一個波，專握細路哥」 菜街亦見到有幾檔街頭表演者 令我眼前一亮的有一隊叫Let's yo的搖搖團隊，佢地玩搖搖同beatbox都出神入化。 點擊圖片放大 另一隊有留意的係叫coff'的音樂團體，雖然主音唔係度，得結他手係度唱。但係都唔錯，同聽眾互相有交流先係重點，仲同唱迷約定下次唱的歌，咁先係我最愛的街頭音樂。 行完菜街，就行去朗豪坊果邊 自從食環署聲明要打擊桂明夜市，小販都轉戰到朗豪坊果頭。 朗豪夜市越夜越精彩，魚蛋燒賣，串燒燒凡立貝，雞蛋仔格仔餅，其實好平常的小食，但就好似汽水裝玻璃瓶一樣，係唔知點解好食d，串生腸都爽D!!! 點擊圖片放大 +11 咁都有d唔係度度都食到既，就好似即蒸腸粉咁，我排左成個鐘先食到ar!! 除此之外，仲有鐵板燒，印度炸雞，印度pizza都唔好話唔多花款。 點擊圖片放大 +2 不過記住，係夜市食野一d都唔平，不過係香港夜市真係可遇不可求，有得去就好去la!!
