年三十，食完團年飯去左維園行年宵 今年，只係得自己一個 Fd又覺得冇咩好行，有d又覺得太迫。 Fine!自己一個照行！ 其實我去維園，係有原因。 就係要買青永屍新鮮出爐的《墳場新聞》，我一直都有追。透過古人專訪，諷刺當今政治，但又唔嚴肅，分析見解獨到，內容深入淺出，文筆細膩，最重要下下到肉。 我呢家先去，幾驚賣晒。 好彩仲有，仲要有九折。 行入維園冇耐，就聽到有個阿伯叫賣，賣的係玩具氣壓導彈 「埋黎睇ar!!10蚊10蚊，仲送你2粒彈頭」 「唔好買氣球la!!買氣球做乜？咪拎佢翻屋企，睇住佢漏氣lo!!黎買導彈好過la!!」 「嗱！細佬，買支翻去玩！我買2個彈頭俾你翻去射你老豆！」 聽到我笑左出黎，雖然氣壓導彈唔係d咩新玩意，但係聽佢介紹，自己都想買埋去射老豆xd 雖然維園年宵乾貨得2行半，但人多是常識吧，行一行要成半個鐘。而且，你睇到左，睇唔到右;睇到右，睇唔到左;行正中間，2邊都睇唔到-,- 你自己睇，我除左人，咩都見唔到。所以我成日講，年宵行維園真係要好大勇氣。因為行左入去，就唔知幾時行番出去。 到左12點，2邊攤大拋禮品，我差d搶到，不過我又得物無所用，無謂同前面對情侶爭la!!!不過好彩，我係地下執到張揮春。 話翻轉頭，今年維園都幾多野食。今次我食左幾樣野食。 係我孤陋寡聞，炸雪糕湯圓，外脆內軟，外熱內冷，入面個雪糕仲未溶。我第一次見，但總會聽到前後左右的人問佢fd:「下!你未食過咩?」我真係差D答左佢:「係又點ar??」 凡立貝拼魚腐，粒凡立貝超大，比平時見的大一半，食落去啖啖肉，正!!! 會場內其實仲有好多野想試，不過價錢都唔平，冇食咁多。 不過有機會，一定會試分子雪糕!!!
