剛畢業出嚟會好想快啲有咭片派；出咗嚟做嘢幾年，就會發現每派一張咭片，其實姐係要做多樣嘢。 Sorry離咗題。其實係想講，有唔少酒店都係雙人房，但只提供一張門卡。 入房後，要著燈、開冷氣定叉電都要將張門卡插落門口個牆上插座。 2個人去旅行，如果一個要沖涼，但另一個想落去買宵夜，咁就煩喇。 除咗問問酒店睇下可唔可以拎多張門卡之外，咭片就有用處喇。 試過好多間酒店，插座只要放入咭片或者卡紙，佢就已經拎到電。咁就張門卡就可以free出嚟用喇。 不過，留意返...... 1) 唔好亂插野入插座，塞唔落咭片唔好格硬塞爛人哋啲嘢呀！ 2) 唔好開晒啲冷氣同燈就出門口呀！唔環保呀！ 3) 唔好咁蠢用百達通或者信用卡插入去呀，爛咗張卡冇仇報呀！ 4) 呢個90%會發生，就係唔記得帶門卡出門口喇，如果你用以上方法，建議你開門後即刻將門卡放入銀包，咁應該會記得帶出街掛。 5) 有啲地方唔係用門卡過電，咁就幫唔到你喇！ ＠羅馬一間酒店嘅門匙 覺得有用…就襟個LIKE支持下我呢個偽blogger啦！ Facebook: 離開是為了回來 (https://www.facebook.com/leavingisforcomingback/)
