無啦啦Instagram彈出notication，見到喺台中嘅彩虹戰士add咗我IG，都應該第一個完全唔知佢係邊個，但又add咗嘅人。 介紹返，台中有個地方叫彩虹眷村。本來呢條村準備清拆，有位現稱彩虹爺爺嘅黃永阜先生就得閒冇嘢做喺地下同牆壁畫畫。就係因為佢嘅畫作，最後呢啲村唔駛清拆，仲成為咗遊客嘅景點。 (網上圖片) 睇相時間： 入正題，彩虹眷村除咗見到彩虹爺爺外，仲會有機會見到變種iron man。有個人戴住iron man面具，著住好colourful嘅衫同褲，基本上同眷村牆同地下一樣色，唯一分別係佢會拎住支結他。 佢就係傳說中嘅彩虹戰士喇！上網見到佢嘅資料唔多，大概係一個年輕人 … 台灣蘋果(http://www.appledaily.com.tw/appledaily/article/headline/20130915/35296070/) 台中彩虹眷村出現「彩虹戰士」！30歲的蘭嶼達悟族勇士柯勝傑，平日在漢翔公司組裝飛機，3年前被彩虹爺爺滿牆彩繪深深感動，從此愛上這裡，周六日在彩虹眷村當街頭藝人，以天賦好歌喉自彈自唱，自娛娛人，只見他拿著吉他、戴上面具，全身色彩繽紛，幾與彩繪牆合為一體，吸引遊客爭相拍照。他認為，這才是最單純幸福的人生。 除咗同佢影相同聽佢唱歌之外，佢仲會送張postcard過你，上面寫住： 還在做夢嗎？ 也許你正在往夢想的路上！ 夢這東西和經典一樣， 永遠不會因為時間而褪色， 反而更顯珍貴。 嚟到呢度，我實好想投訴佢...... 佢太熱情 佢太主動幫手揸機 佢不停嗌你擺po士 佢不停會叫你跳 佢會瘋狂自拍 佢會令你電話爆memory 佢會迫啲情侶拖住影相 佢準備咗面具道具俾你影相 佢冇收你錢之餘仲送你postcard 佢唱歌太好聽 佢會壁咚 (網上圖片) 佢會俾支結他你影相 佢會同你嚟個大大嘅擁抱 (網上圖片) 最後兩點係要最大嘅投訴，因為天氣非常炎熱，當跟彩虹戰士接觸嘅一刻，就會知道咩嘢叫做「汗流浹背」，係的的確確嘅全身濕晒。嗰一刻你會完全感受到咩叫「交換汗水」。 一個默默為佢自己夢想努力，仲不問回報咁去鼓勵其他人「發夢」嘅不知名人士，嗰份堅持、嗰份熱情，真係只有彩虹戰士先做到。最後都要投訴嘅係，佢令我呢個長期發夢嘅人，想去多次台中搵佢。 彩虹戰士訪問 https://www.youtube.com/watch?v=-rVzDDbQ7Nw 彩虹戰士-彩虹村mv https://www.youtube.com/watch?v=s8z8bkRVChw 彩虹戰士同遊客jam歌-五月天溫柔 https://www.youtube.com/watch?v=hhrAR98VTSU 彩虹眷村資料： 地址：台中市南屯區春安里春安路56巷 交通： 台中客運坐27號公車 台鐵新烏日站：坐56路公車 Remarks： 日間開放、免費 (避免於中午12點至下午2點去，聞說會阻住人休息) 彩虹眷村位置較近台中機場，通常會出機場或入機場期間參觀 條村範圍唔算大，約逗留45分鐘 彩虹戰士通常只會於假日出現 襟個LIKE支持下我呢個偽blogger啦！ Facebook: 離開是為了回來 (https://www.facebook.com/leavingisforcomingback/)
